સાવ અમસ્તું નાહક નાહક – ગની દહીંવાલા

ગનીચાચાની સદાબહાર ગઝલ… ઐશ્વર્યાના મઘમીઠા કંઠ સાથે ફરી એકવાર…

This text will be replaced

સાવ અમસ્તું નાહક નાહક નિષ્ફળ નિષ્ફળ રમીએ,
ચાલ મજાની આંબાવાડી! આવળબાવળ રમીએ.

બાળસહજ હોડી જેવું કંઈ કાગળ કાગળ રમીએ,
પાછળ વહેતું આવે જીવન, આગળ આગળ રમીએ.

માંદા મનને દઈએ મોટું માદળિયું પહેરાવી,
બાધાને પણ બાધ ન આવે, શ્રીફળ શ્રીફળ રમીએ.

તરસ ભલેને જાય તણાતી શ્રાવણની હેલીમાં,
છળના રણમાં છાનાંમાનાં મૃગજળ મૃગજળ રમીએ.

હોય હકીકત હતભાગી તો સંઘરીએ સ્વપ્નાંઓ,
પ્રારબ્ધી પથ્થરની સાથે પોકળ પોકળ રમીએ.

ફરફર ઊડતું રાખી પવને પાન સરીખું પહેરણ,
મર્મર સરખા પારાવારે ખળખળ ખળખળ રમીએ.

હું ય ‘ગની’, નીકળ્યો છું લઈને આખોમાખો સૂરજ,
અડધીપડધી રાત મળે તો ઝાકળ ઝાકળ રમીએ.

12 replies on “સાવ અમસ્તું નાહક નાહક – ગની દહીંવાલા”

  1. manvantpatel says:

    ચાલો રમીએ.

  2. Tuhin says:

    આ ગીત વિરાજ-બીજલ ના સ્વ્રર માં સાંભળવા ની અલગ જ મજા છે.

  3. Tuhin says:

    ઓહ સોરી, ગીત તહુકો પર avaiable નથી, મારી પાસે છે ,પણ ઓડીઓ કેસેટ માં છે.

  4. ઐશ્વર્યાના અવાજમાં ગઝલ સાંભળવું ગમ્યું… આ છોકરીનો અવાજ આટલો ઠરેલો છે એ આજે અનુભવ્યું! સાશ્ચર્યાનંદ થયો…

  5. K says:

    Chokari na GURU kon che?????????
    PU……..Aishwariya is no. 1.
    Thanks

  6. tushar shukla says:

    this gazal is composed by saumil shyamal also , viraj bijal rendered it once .

  7. Trupti says:

    વાહ!! સદાબહાર ગઝલ અને ઐશ્વર્યાનો સુરીલો કંઠ…ફરી ફરીને માણવાનુ ગમે તેવુ અદભુત કોમ્બીનેશન!!

  8. Dr kokil dave says:

    Exllent wording of this gazal.Maza aavi gayi.

  9. જયશ્રીબેન,
    સાવ અમસ્તું નાહક નાહક – ગની દહીંવાલા By Jayshree, on March 14th, 2009 in ઐશ્વર્યા મજમુદાર , ગઝલ , ગની દહીંવાલા , ટહુકો. ગીત,કંઠ અને સાથે ઘીમું સંગીત માણવાનો આનંદ આવ્યો.
    ચન્દ્રકાન્ત લોઢવિયા.

  10. dipti says:

    ખુબસુરત શબ્દો અને સુરીલો કંઠ..

    હોય હકીકત હતભાગી તો સંઘરીએ સ્વપ્નાંઓ,
    પ્રારબ્ધી પથ્થરની સાથે પોકળ પોકળ રમીએ.

  11. Viraj says:

    We did hv an opportunity to sing this gazal..infact Shyaamalbhai and Saumilbhai had taught us in Matheran years back…fond memories

  12. raksha says:

    મને આ ગઝલ ખુબ ગમી

Leave a Reply

Your email address will not be published. Required fields are marked *