દૂરતા કોઈ વખત મોંઘી પડી -જવાહર બક્ષી

જવાહર બક્ષીની આ મઝાની ગઝલ – અને પુરુષોત્તમ ઉપાધ્યાયનું અફલાતૂન સ્વરાંકન સાથે એમનો અને આશિત દેસાઇનો સ્વર..! વારંવાર બસ સાંભળ્યા જ કરો … સાંભળ્યા જ કરો..! એમ પણ ગુજરાતી સુગમમાં male duets અને female duets ઓછા જોવા મળે છે.

સંગીત : પુરુષોત્તમ ઉપાધ્યાય
સ્વર : પુરુષોત્તમ ઉપાધ્યાય અને આશિત દેસાઈ
આલ્બમ : તારા શહેરમાં

દૂરતા કોઈ વખત મોંઘી પડી,
પણ નિકટતા તો સતત મોંઘી પડી.

જીવવા જેવું જ જીવાયું નહી,
જીવવાની આવડત મોંઘી પડી.

મ્હેંક તારા શહેરમાં સારી હતી,
શ્વાસમાં ગઈ કે તરત મોંઘી પડી.

આમ તો ઘરમાં કશું નહોતું છતાં.
બહાર રહેવાની શરત મોંઘી પડી.

શક્યતાઓમાં સતત સળગ્યા કર્યો,
શબ્દ સાથેની રમત મોંઘી  પડી.

-જવાહર બક્ષી

12 replies on “દૂરતા કોઈ વખત મોંઘી પડી -જવાહર બક્ષી”

  1. Dr Jagdip Upadhyaya says:

    પ્રેમ એટલે મિલન….
    મિલન એટલે નિકટતા…..
    વિરહ એટલે દૂરતા…..
    સહુને વિરહની દૂરતા તો સદા મોંઘી જ લાગતી હોય છે.
    પરંતુ જેને માટે હ્રદયની સઘળી લાગણીઓ¸ઉર્મિઓની દોલત લૂંટાવી દીધી હોય અને એની જ નિકટતા જો પ્રતિસાદવગરની; ઉમળકા¸ અહેસાસ અને ઉષ્મા વગરની નીકળે તો એ નિકટતાના મોંઘી પડવા જેવું જ છે.
    જીવનમાં જે જે ધાર્યું હતું¸જે જે ઇચ્છ્યું હતું¸જે જે ઝંખ્યું હતું એ બધું ધારણા કરતાં જુદું જ નીકળ્યું, એ વાત અહીં આખી ગઝલમાં બસ ઘૂંટાયા જ કરે છે¸પડઘાયા જ કરે છે….
    અને અંતે અપૂર્ણ ઇચ્છાનો,અધૂરી ઝંખનાનો એક ઉઝરડો,એક ઘાવ… આપણા મન ઉપર ચિર અંકિત થઇ જાય છે.
    જવાહર બક્ષીની ઉત્તમ ગઝલોમાંની એક અને ગુજરાતી ગઝલની તવારિખમાં MILE STONE સમી આ ગઝલને પુરુષોત્તમભાઇએ અદભૂત સ્વરાંકનમાં મઢી છે અને સ્વયં પુરુષોત્તમભાઇ અને આશિતભાઇએ મળીને જે રીતે ગાઇ છે એ માટે એટલું જ કહેવું પડે કે બીજા કોઇ ગાયકો માટે આવી રીતે ગાવું એ ગજા બહારની વાત કહેવાય.
    Simply superb…..
    – ડો. જગદીપ ઉપાધ્યાય

  2. Rekha shukla(Chicago) says:

    બહુજ સરસ અને સાચી વાત.. આ દુઃખ છે વાસ્ત્વિકતાનુ…!!

  3. Kaushik Nakum says:

    દૂરતા કોઈ વખત મોંઘી પડી,

    પણ નિકટતા તો સતત મોંઘી પડી.

    ખુબ જ કરુણ….

  4. કવિશ્રી જવાહર બક્ષીની ગઝલયતથી ભરી સુંદર ગઝલ.

  5. k says:

    દૂરતા કોઈ વખત મોંઘી પડી,
    પણ નિકટતા તો સતત મોંઘી પડી….

    ખરેખર… બધી બાબત મા અફલાતૂન ….

  6. jadavji k vora says:

    દુરની વ્યક્તિને નજીકથી નિહાળવાનું થાય ત્યારે, તેના ગુણોની સાથેસાથે છિદ્રો પણ નજરે પડે છે. એટલે જ કવિએ કદાચ લખ્યું હશે કે, નિકટતા તો સતત મોંઘી પડી. સુંદર ગઝલ. આભાર.

  7. Jayendra Desai says:

    જીવવા જેવું જ જીવાયું નહી,
    જીવવાની આવડત મોંઘી પડી……

    સુન્દર અને લાજવાબ …

    Simply amazing… મઝા આવિ…

    – જયેન્દ્ર દેસાઇ

  8. jasmin says:

    નિકટતા નૂ મોઘુ પડવુ ખુબ પીડાદાઈ હોય છે,
    એ પીડા,સ્વ્રર સૂર અને શબ્દ મા ખુબ સુન્દર સહજ્તા થી વ્યક્ત થયી છે.
    ઘાયલ કી ગતિ ઘાયલ જાને.
    ખુબ ધન્યવાદ.

  9. Ullas Oza says:

    જવાહર બક્ષેી નેી ખુબ સુન્દર રચના અને એટલેી જ મધુર ગાયકેી.

  10. મને ટહુકો.કોમ ગમ્યુ
    I very very like tahuko.com
    aavu sahitya su tame mane mara E-mail dwara mokli sako?
    hu mara blog ma tamara name upload karva magu chhu

    bus mari aatali vinti svikarva vinnti.

    thank you

    તમારો આભાર્

  11. kavi says:

    જેને માટે હ્રદયની સઘળી લાગણીઓ¸ઉર્મિઓની દોલત લૂંટાવી દીધી હોય અને એનીજ નિકટતા જો પ્રતિસાદવગરની; ઉમળકા¸ અહેસાસ અને ઉષ્મા વગરની નીકળે તો એ નિકટતાના મોંઘી પડવા જેવું જ છે. સાચિ વાત કહિ ડો. જગદીપે દિલ ને રડવિ જાય મન ને દુભાવિ જાય ખરેખર કરુણ….

  12. KrishMan says:

    જીવવા જેવું જ જીવાયું નહી,
    જીવવાની આવડત મોંઘી પડી……

    Absolutely realistic ….

Leave a Reply

Your email address will not be published. Required fields are marked *