મેંદી તે વાવી માળવે (યુગલગીત) – ઇન્દુલાલ ગાંધી

‘આંધળી માનો કાગળ’ ન રચયિતા કવિશ્રી ઈન્દુલાલ ગાંધીનો આજે જન્મદિવસ, તો એમને શ્રધ્ધાંજલી સાથે આજે ફરી એકવાર યાદ કરીએ એમના કલમથી નીકળીને અમર બનેલા આ શબ્દો… મેંહદી તે વાવી માળવે એનો રંગ ગયો ગુજરાત…

આજે આ મઝાનું યુગલગીત તો તમારા માટે લઈ આવી – પણ થોડી તમારી મદદની જરૂર પડશે..!! ‘મેંહદી રંગ લાગ્યો’ – ફિલ્મનું પેલું ‘લાંબો ડગલો મૂછો વાંકડી’ વાળું ‘મેંદી રંગ લાગ્યો… ‘ ગીતના કવિ ઇન્દુલાલ ગાંધી છે – એ વાત લયસ્તરો પરથી જાણી..! (લયસ્તરો પર આ ગીત એના મૂળ શબ્દો સાથે ઉપલબ્ધ છે) તો આ યુગલગીતના કવિ પણ શું ઈન્દુલાલ ગાંધી છે? કે પછી ફિલ્મમાં અવિનાશ વ્યાસનું સંગીત હતું તો આ ગીતના શબ્દો પણ અવિનાશ વ્યાસના છે? તમને ખબર હોય તો જણાવશો?

અને બીજી એક વાત કહું? – પટેલ – પાટીદાર સમાજની સ્થાપના સાથે આ પણ આ ગીત જોડાયેલું છે – એ તમને ખબર છે? લો.. તમે જાતે જ આ લેખ વાંચી લો.! અરે થાંબા થાંબા… પહેલા આ ગીત સાંભળી ને જાવ.:)

અને હા – હજુ એક સવાલ – લતા મંગેશકરની સાથે યુગલસ્વરમાં મન્ના ડે જ છે ને?

સ્વર : લતા મંગેશકર, મન્ના ડે (?)

મેંદી તે વાવી માળવે, એનો રંગ ગયો ગુજરાત રે,
મેંદી રંગ લાગ્યો

હો.. મેંદી મૂકી મેં તો રંગીલી ભાતની
માળવાનો મોર ને ઢેલ ગુજરાતની..
મળ્યો મને મનનો માંગ્યો, કે રંગ મને લાગ્યો,
કે રંગ મને લાગ્યો… કે મેંદી રંગ લાગ્યો..!

મેંહદીને વાવી માળવે, એનો રંગ ગયો ગુજરાત રે,
મેંહદી રંગ લાગ્યો

મારા છાયલનો રંગ, મારી પાયલનો રંગ
મારા કાજળનો રંગ, મારા કંકુનો રંગ
મેંદીના રંગમાં છૂપ્યો અનંગ..
તારી આંખ્યુંનો ઝોક મને વાગ્યો, કે રંગ મને લાગ્યો,
કે રંગ મને લાગ્યો… કે મેંદી રંગ લાગ્યો..!

મેંહદીને વાવી માળવે, એનો રંગ ગયો ગુજરાત રે,
મેંહદી રંગ લાગ્યો

– ઇન્દુલાલ ગાંધી

8 replies on “મેંદી તે વાવી માળવે (યુગલગીત) – ઇન્દુલાલ ગાંધી”

  1. Raman Patel says:

    Pinakin Shah accompanied Lata Mangeshkar in the song.

  2. M.D.Gandhi, U.S.A. says:

    સરસ ગીત છે. લતાજીના કંઠે ગવાયું પણ સરસ છે.

  3. chintan says:

    કવ્ય સંગીત સમારોહ ૨૦૧૦ માં ઐશ્વર્યા મજુમદાર એ આ ગીત ગાયું હતું, અને ગાતી વખતે જેમ કહ્યુ હતું એ પ્રમાણે લગભગ આ શબ્દો શ્રી અવિનાશ વ્યાસ નાં છે………… આ ગીત માં તો વન્સ મોર પણ થયું હતું, અદ્ભૂત ગીત…

  4. chandrika says:

    અહિં મુકેલ ગીતમાં લતાજી સાથૅ નો અવાજ મન્નાડેજી નો છે.

  5. suresh T says:

    super duper geet!!!!

  6. જય પટેલ says:

    સુશ્રી લતાજી – શ્રી મન્ના ડે ના સ્વરમઢ્યું વિતેલા યુગનું કર્ણપ્રિય સંભારણું.
    આભાર.

  7. RASESH JOSHI says:

    Hit and well known gujarati song

  8. aa geet paheli var sambhalu ,addbhoot chhe,

Leave a Reply

Your email address will not be published. Required fields are marked *