સ્વર : કલ્યાણી કૌઠાળકર
સ્વરાંકન : હરિશ્વંદ્ર જોશી
આલબમ : સંગત
.
રાધા શોધે મોરપિચ્છ ને ,શ્યામ શોધતા ઝાંઝરિયા,
રાધિકાની આંખ જપે છે સાંવરિયા ! ઓ સાંવરિયા !
મુરલીના સૂર કદંબવૃક્ષે ચીર થઈને ઝૂલે,
અને શ્યામની આંખો જળમાં કમળ થઈને ખૂલે;
કુંજગલીમાં ધૂળ રેશમી તો ય કહે એ કાંકરિયા….
ઉજળો દિવસ શ્યામ થયો ને રાધિકા થઇ રાત,
યમુનાના જળ દર્પણ થઈને કરે હૃદયની વાત;
ભરી ભરીને ખાલી ખાલી કરતી ગોપી ગાગરિયા…
– સુરેશ દલાલ
વાહ, સુંદર અભિવ્યક્તિનું સર્જન
જયશ્રી કૃષ્ણ
કાવ્ય, ગાયકી અને લયબદ્ધ શબ્દો
ખૂબ જ ભાવનાત્મક
કુંજગલીમાં ધૂળ રેશમી તોય કહે એ કાંકરિયા
અદ્દભૂત!
બહુજ સરસ રચના
અભિનંદન