ધ્રુવ ગીત ચેનલ ઉપર નવું ગીત માણો!

સ્વરાંકન, સંગીત તથા કંઠ – જન્મેજય વૈદ્ય

.

ઝોળીએ ઝુલાવીને હેતથી હુલાવીને પાડેલાં નામ છે તે નહીં ?
તાંબાનાં પતરાંમાં સૂરજ ને સોમ સુધી આપેલાં ગામ છે તે છે નહીં?

એટલે કે ઓચિંતી ઘટના ઘટીને સાવ ઓચિંતી ક્યાંક મટી જાય છે
આટલી ક્ષણોમાં તો જીવ્યું કહેવાવાની કેટલીયે રચનાઓ થાય છે

હાથ મહીં રેખા કે કાગળના લેખામાં છાપેલી વાત છે તે છે નહીં?
તાંબાનાં પતરાંમાં સૂરજને સોમ સુધી આપેલાં ગામ છે તે છે નહીં?

કાંઠ કે રેતી કે માછલી કે નીરમાંથી નદીઓ કહેવાય બોલ કોને?
પૂછવા રહો તે જઈ આઘેરા ની૨ કહે આવેલા સપનાને જોને

સોના કે રૂપા કે હાથચડ્યા હથિયારે માણસનું માપ છે તે છે નહીં?
ઝોળીએ ઝુલાવીને હેતથી હુલાવીને પાડેલાં નામ છે તે છે નહીં?

-ધ્રુવ ભટ્ટ

સૌજન્ય:નીલા ટેલી ફિલ્મ્સ અને ધ્રુવગીત