આંખથી અનાયાસે
ખરી પડેલાં આંસુને
ચાંચમાં ઝીલવા,
કોઈક ચાતક
ક્યાંક તો વાટ જોતું હશે,
બસ, એ એક ભ્રમમાં
હું તો વરસાવતી રહી,
આંસુનો વરસાદ સતત…
પણ ત્યારે ચાતક ક્યાંય ન હતું
હવે ચાતક
મારા આંગણામાંના
ઝાડની ડાળ પર બેઠું છે
પણ, મારી આંખે
નથી તો શ્રાવણ
કે નથી ભાદરવો
છે કેવળ સૂનકાર…
-જયશ્રી મર્ચન્ટ
સંવેદનશીલતાનો અલભ્ય ટહુકો. વાહ જયશ્રીબેન. અતિ સુંદર.
Not readable fonts
????? ?????? ???, ???? ??? ????? ???? ?? ???? ?????? ??????.
માફ કરશો. ટહુકો હવે એકદમ સાજો થઇ ગયો છે