એકાંતે તરસું છું હું – તુષાર શુક્લ

સ્વર – દિપ્તી દેસાઇ
સંગીત – ગૌરાંગ વ્યાસ

વ્હાલમને મારા વરસાદ નથી ગમતો
એનું કારણ પૂછું તો કહે તું,
વરસે વરસાદને મળવા ન જાઉં તોયે
એકાંતે તરસું છું હું.

ઉંબર ઉંચેરા લાગે છોકરીની જાતને
સમજે નહીં વ્હાલમજી વહેવારૂ વાતને,
મારે વ્હાલમને કહેવું રે શું?
એકાંતે તરસું છું હું.

વાદળ ના હોય તોય કોરી ક્યાં જાઉં છું
મળવા આવું છું ત્યારે હું યે ભીંજાઉ છું,
મારે કરવું તો કરવું યે શું?
એકાંતે તરસું છું હું.

મળવા આવું ને પછી વરસે વરસાદ જો
પાછા જવાનું મને આવે ના યાદ તો,
કોઈ ગમતું મળે તો કરું શું?
એકાંતે તરસું છું હું.

– તુષાર શુક્લ

Share on Facebook

13 replies on “એકાંતે તરસું છું હું – તુષાર શુક્લ”

તુશારભાઈના શબ્દો દિલમા સ્પન્દનો ખદા કરિ આપે સે.દરેક રજુઆત ખુબજ સરસ હોય સે.શબ્દોતો સરવાનિનિ માફક સરતા હોય તવુ લગ્યા વગર રહેતુ નથિ.શબ્દ કહેવા માતે પુરતા સે.

I heard this song after a long time..I would like to mention here that I have written and Gaurangbhai has composed all the songs as per Dipti’s singing style and voice quality, specially for her Album..
” Mitavaa “…re named as ” Mosam Premni ” by Navbharat communication.They have come out very well.

સરસ ગીત, સ્વરાંકન, મધુર સગીત, એકાંત -વરસાદી વાતાવરણના શબ્દો, આનદ આનદ થઈ ગયો, આપનો આભાર, સૌને અભિનદન

તુષાર શુક્લના ભીના શબ્દો ને ગૌરાંગ વ્યાસ મધુર સંગીત, દિપ્તીબહેન ના સ્વર બહુજ સુંદર રજુવાત..
વાદળ ના હોય તોય કોરી ક્યાં જાઉં છું
મળવા આવું છું ત્યારે હું યે ભીંજાઉ છું,….