સમજાય તો – ઉર્વીશ વસાવડા

શબ્દ મધ્યે સ્વર્ગ છે, સમજાય તો,
એ જ એનો અર્થ છે, સમજાય તો.

પ્રશ્ન છે તો ઉત્તરો એના હશે,
સાવ સીધો તર્ક છે, સમજાય તો.

કોઈ ના બોલે છતાં સહુ સાંભળે,
એ જ સાચું પર્વ છે, સમજાય તો.

માનવી ને માનવી ગણવો ફક્ત,
એ ખરેખર ધર્મ છે, સમજાય તો.

અ કલમ પર છે નિયંત્રણ કોકનું,
ને મને એ ગર્વ છે, સમજાય તો.

પુષ્પને સ્પશર્યા વિના પણ પામીએ,
દોસ્ત ઉત્તમ અર્ક છે, સમજાય તો.

– ઉર્વીશ વસાવડા

Share on Facebook

16 replies on “સમજાય તો – ઉર્વીશ વસાવડા”

virah ni chhe vedana shu khabar tane
prtiksha chhe aakri shu khabar tane.

samay ni chhe chhedati shu khabar tane,
prany ni chhe thekdi shu khabar tane.
ekalta chhe aakari shu khabar tane,
tara thaki chhe aa jindgi shu khabar tane.

aruna G

nathi kahevu kashu chhata badhu kahevay jay chhe sachvi rakhu chhu bhadhu chhata ghanu khovai jay chhe.

enijem
manvine ganvo manavi kharekhar ej dharm chhe
khub j sars chhe

કોઈના બોલે છતાં સહુ સાંભળે,
એ જ સાચુ પર્વ છે. આ બધુ બધાને સમજાય ત્યારેને?
સરસ રચના…….

સરસ…અર્થ..મર્મ…તારણ..સારાંશ…અર્ક…
મૂળ તો ભીતર ની વાતજ!

“અર્થ તો કાઢવાની વાત છે,મર્મ તો સમજવાની વાત છે।અર્થ કરીને બોલો , મર્મ સમજીને ચુપ રહેવાની વાત છે।
અર્થનો અનર્થ પણ થાય,મર્મ સમજી સ્મિતવાની વાતછે,અર્થને સહી પ્રમાણીએ તો,મર્મ સમજી પામવાની વાત છે।
મૂળ દેખાતો લોચન મનનો ઝગડો,સમજી જવાનીવાતછે,બુદ્ધિની દલીલો હૈયાના ભાવો વિષે,વિચારવાની વાત છે।
વધુ ઊંડા ઉતરી શકાય,તો,સ્થૂળ-સૂક્ષ્મની પારની વાત છે.આતો ભાઈ,ખૂલ્લા મન,માન્યતાને પ્રમાણવાની વાત છે।
-લા કાન્ત / ૭-૫-૧૨

==================================