‘હું જીવી રહ્યો છું’ ના જાહેર ચોકમાં…. – જવાહર બક્ષી

કોઇ કોઇ વખત તને ભૂલી જવાય છે
દુનિયામાં કાંઇ પણ હવે માની શકાય છે

આકાશના એ રંગ તને યાદ તો હશે
રંગીન એટલું જ એ તારા વિનાય છે

હું ચાલતો રહ્યો છું અને ચાલ્યો જાઉં છું
જીવીજીવીને જાણે સમય થઇ જવાય છે

અય દોસ્ત ગઇ નથી હજી ગુંજાશ સ્મિતની
રોવાનાં કારણો તો મને પણ ઘણાંય છે

અહીં ‘હું જીવી રહ્યો છું’ ના જાહેર ચોકમાં
ક્યારેક ‘તું નથી’ ની હવા સંભળાય છે

Share on Facebook

9 replies on “‘હું જીવી રહ્યો છું’ ના જાહેર ચોકમાં…. – જવાહર બક્ષી”

ગહન અર્થ ગામ્ભેીર્ય ,અદભુત શેર્,કવિ જવાહર બક્ષિ નેી દરેક ગઝલ જેવિ જ સુન્દર ગઝલ્…..

બહુજ ઉત્તમ્…..

હુઁ ચાલતો રહ્યો ચ્હુ અને ચાલ્યો જાઉ ચ્હુ
જીવી જીવીને જાણે સમય થઈ જવાય ચ્હે.કેટલુઁ નરદમ સત્ય્.ઘટમાળ બની જતી જિઁદગી સમયનુ ચોસલુ બની વરસોની ઈમારત થઈ જાય ચ્હે…..સુન્દર શેર.