આલબમ : હાલરડાં
સ્વર : લાલિત્ય મુન્શા
.
સંપૂર્ણ આલ્બમ:
બહેની તમે દેવના દીધેલ છો,
આવો ને અમર થઈને રહો………
તમે કાળજાની કોર છો,
આવો ને અમર થઈને રહો………
દેવે દીધાં રુપ લઈને આવ્યાં,
કેવાં કેવાં વરદાનો બેન, દુનિયા લાવ્યાં,
પ્રીતિને પારણે ઝૂલાવું, હૈયાને હેતે ઝૂલાવું
બહેની તારા હાલ રે ગાઉ………. બહેની
બહેની તમે ઘરદીવડી થઈને કંકુ પગલે આવ્યાં,
સર્જનહારની સમોવડી બનવાનાં નસીબ લાવ્યાં,
તમે પરદેશી પંખી છો, આજે મારે આંગણે આવ્યાં છો
કાલે બીજું આંગણું શોભાવશો
આવો ને અમર થઈને રહો……… બહેની
દુ:ખના દરિયા આવે તો બેની લડજો ભીડી હામ,
ભણીગણી અન્યાયની સામે ઉજળું રાખજો નામ,
બહેની તું શક્તિનો અવતાર, તારાં રુપ – ગુણનો નહિ પાર
તું સાચો દુનિયાનો આધાર ……… બહેની
