ગીત- શ્રી નીતિન મહેતા
સંગીત- સ્વ. સુભાષ દેસાઇ
સ્વર – નંદિતા ઠાકોર
સ્હેજ ઉભી’તી તરુવરને છાંયે
ને બાઈ હું તો લીલીછમ લીલીછમ થઇ..
પડછાયા જોતાં શું ટીકી ટીકી ટીકી મને પડતી કશી ય ગમ નઈં…
તડકા ઉલેચ્યા મેં ખોબે ખોબે તો થયો
કાયાનો સોનેરી રંગ
હેબતાઇ જઇ હું તો ફૂલમાં છૂપાઇ
મારે રોમેરોમ ફૂટી સુગંધ
અરે ટેરવે ઝીલીને એક ટીપું પીધું ને બાઈ…
હું તો ભીનીછમ ભીનીછમ થઇ..
મને પડતી કશી ય ગમ નંઇ.
નેજવું કરીને જરી જોયું આઘે ત્યાં
છાતીના મોર કૈં ગહેક્યા
શરમાઇ જઇ હું તો શમણે છૂપાઇ ને
ભીતરનાં અરમાનો બહેક્યા
અરે કમખેથી ગાંઠના છૂટ્યા કંઇ બંધ
હું તો ખાલીખમ ખાલીખમ થઇ
મને પડતી કશીય ગમ નંઇ..
