સંગીત : ડો. ભરત પટેલ
સ્વર : પ્રીતિ ગજ્જર
.
આ ફૂલ ખીલ્યાં કે ચહેરા…
આ ફૂલ ખીલ્યાં કે ચહેરા…
ધરતી એ લીલી ચુનર પર,
ધરી લીધાં છે સહેરા…
સૂરજ મનમાં મીઠું મલકે,
ઝૂલે વાયુ પાનની પલકે.
મધુકરના ગુંજારવ સામે,
ખુશ્બુ ભરતી પહેરા…
આ ફૂલ ખીલ્યાં કે ચહેરા…
આ ફૂલ ખીલ્યાં કે ચહેરા…
મંદ પવનનું ઝોલું આવ્યું
ફૂલે એનું શીશ નમાવ્યું.
ભમરે ધારી શામની મૂરત
ફૂલ બની ગ્યા દહેરા…
આ ફૂલ ખીલ્યાં કે ચહેરા…
આ ફૂલ ખીલ્યાં કે ચહેરા…
