હજી હમણાં જ બેઠો છું – હરિહર જોશી

કોઈની વાટ નીરખતો હજી હમણાં જ બેઠો છું
અધૂરું ગીત ગણગણતો હજી હમણાં જ બેઠો છું

હતાં ચોમેર મારાં બિંબ દર્પણના નગર વચ્ચે
ડરીને ભીડમાં ભળતો હજી હમણાં જ બેઠો છું

ખબરઅંતર ખરેલાં પાનનાં પૂછી: દિલાસા દઈ
ઈરાદા મોસમી કળતો હજી હમણાં જ બેઠો છું

અજાણ્યા માર્ગમાં મળશે બીજો પંથી એ આશામાં
હું રસ્તે આંખ પાથરતો હજી હમણાં જ બેઠો છું

મુઢ્ઢીભર આગિયા સાથે હતા અજવાળવા રસ્તો
તમસમાં ખુદ ઝળહળતો હજી હમણાં જ બેઠો છું

– હરિહર જોશી

3 replies on “હજી હમણાં જ બેઠો છું – હરિહર જોશી”

  1. Pratima D Chande says:

    Sunder rachana

  2. Pratima D Chande says:

    Sundar rachana

  3. Dinesh Pandya says:

    મુઢ્ઢીભર આગિયા સાથે હતા અજવાળવા રસ્તો
    તમસમાં ખુદ ઝળહળતો હજી હમણાં જ બેઠો છું
    કોઈની વાટ નીરખતો હજી હમણાં જ બેઠો છું
    અધૂરું ગીત ગણગણતો હજી હમણાં જ બેઠો છું

    કવિ હરિહર જોશીના કાવ્ય સંગ્રહ “મુઠ્ઠીભર આગિયા”
    માંની સુંદર રચના!!

Leave a Reply

Your email address will not be published. Required fields are marked *