તું ચમચી લઈને ઊભો છે…. – અનિલ ચાવડા

...  દરિયા માગવા માટે?  (photo: Vivek Tailor)
… દરિયા માગવા માટે? (photo: Vivek Tailor)

અધીરો છે તને ઈશ્વર બધુંયે આપવા માટે,
તું ચમચી લઈને ઊભો છે દરિયા માગવા માટે ?

નયનના કોઈ ખૂણામાં પડ્યું છે ધાન આંસુનું,
અમે એમાં મૂક્યાં છે સ્વપ્ન કાચાં પાકવા માટે.

કર્યું છે એક ચપટીમાં જ તેં આખુંય જંગલ ખાક,
ન ગમતા એક એવા પાંદડાને કાઢવા માટે.

સરોવરમાં જઈને નાખ કે જઈને નદીમાં ફેંક,
ફક્ત ખાબોચિયાં છે આ બધાં તો ખારવા માટે.

કયો છે સ્વાદ કોના ભાગ્યમાં ના જાણતું કોઈ,
બધાને ઈશ્વરે જીવન દીધું છે ચાખવા માટે.

– અનિલ ચાવડા

9 replies on “તું ચમચી લઈને ઊભો છે…. – અનિલ ચાવડા”

  1. અધીરો છે તને ઈશ્વર બધુંયે આપવા માટે,
    તું ચમચી લઈને ઊભો છે દરિયા માગવા માટે ?
    —best lines ever for every….great creation sir

  2. “બધાને ઈશ્વરે જીવન દીધું છે ચાખવા માટે” ખુબ જ સરસ.

Leave a Reply

Your email address will not be published. Required fields are marked *