ગઝલ લખવી હતી મારે બધાયે શબ્દ છોડીને… – કવિ રાવલ

 

અમે તત્પર તમે તત્પર,ઉભા છો કેમ થોભીને ?…
નદીની જેમ, બસ ક્યારેક આવી જાવ દોડીને..

બધા નિયમો – બધા છન્દો, બધા બન્ધનને તોડીને,
ગઝલ લખવી હતી મારે બધાયે શબ્દ છોડીને…

બધો વિસ્તાર ને વ્યવહાર કે ઘટમાળ, તહેવારો
વિકલ્પો છે અભાવોના નકામા સૌ પ્રયોજીને..

તુરો સ્વાદે – અને કોરો હવાઓના વમળ જેવો
હૃદયમાં છે જે ખાલીપો, ભરી દો આપ શોધીને

તમારો ભાસ ને આભાસ થૈ ઘેરી વળે પડઘા
થવું છે તરબતર આ જાતને તેમા ઝબોળીને.

–  કવિ રાવલ

12 replies on “ગઝલ લખવી હતી મારે બધાયે શબ્દ છોડીને… – કવિ રાવલ”

  1. pragnaju says:

    કવિ કવિની સુંદર ગઝલ
    તુરો સ્વાદે – અને કોરો હવાઓના વમળ જેવો
    હૃદયમાં છે જે ખાલીપો, ભરી દો આપ શોધીને

    તમારો ભાસ ને આભાસ થૈ ઘેરી વળે પડઘા
    થવું છે તરબતર આ જાતને તેમા ઝબોળીને.
    વાહ્

  2. બધા નિયમો – બધા છન્દો, બધા બન્ધનને તોડીને,
    ગઝલ લખવી હતી મારે બધાયે શબ્દ છોડીને…

    – વાહ કવિ! ક્યા બાત હૈ! સુંદર ગઝલ… ‘ગઝલ વિશ્વ’માં પણ વાંચી… હાર્દિક અભિનંદન !

  3. sujata says:

    વા હ વા હ્…. ક્યા બાત હૈ!
    દ રે ક શે ર લા જ વા બ્……

  4. sudhir patel says:

    સરસ ગઝલ! અભિનંદન, કવિને!
    સુધીર પટેલ.

  5. pragnaju says:

    તુરો સ્વાદે – અને કોરો હવાઓના વમળ જેવો
    હૃદયમાં છે જે ખાલીપો, ભરી દો આપ શોધીને
    તમારો ભાસ ને આભાસ થૈ ઘેરી વળે પડઘા
    થવું છે તરબતર આ જાતને તેમા ઝબોળીને.
    વાહ

  6. manvant says:

    abhinandan !

  7. Pinki says:

    બધા નિયમો – બધા છન્દો, બધા બન્ધનને તોડીને,
    ગઝલ લખવી હતી મારે બધાયે શબ્દ છોડીને…

    વાહ્.. કવિ આ શેર તો મજાનો થયો છે.

  8. અમે તત્પર તમે તત્પર,ઉભા છો કેમ થોભીને ?…
    નદીની જેમ, બસ ક્યારેક આવી જાવ દોડીને
    સરસ શેર

  9. KAVI says:

    thank you very much to dear readers and Tahuko.com

  10. […] Gazal Lakhvi Hati Mare Badhaye Shabd Chhodine – Kavi Raval […]

  11. તુરો સ્વાદે – અને કોરો હવાઓના વમળ જેવો
    હૃદયમાં છે જે ખાલીપો, ભરી દો આપ શોધીને

    અદભૂત શેર …

    ખુબ સુંદર ગઝલ…

Leave a Reply

Your email address will not be published. Required fields are marked *