બજે તાલ મંજીરા ઢોલ રે ભવાની માં – અવિનાશ વ્યાસ

ગુજરાતી ગરબાઓ જો આપણે આખુ વર્ષ સાંભળતા હોઇએ, તો આ ચૈત્ર નવરાત્રી વખતે કંઇ ગરબા વગર ચાલે?

આ ગરબામાં સ્વર – સંગીતનો એવો તો જાદુ છે કે હું જેટલી વાર સાંભળું એટલી વાર ૨-૩ વાર તો સાંભળવો જ પડે છે.. અને નવરાત્રી હોય કે ના હોય, ગરબે રમવાની ઇચ્છા થઇ જ જાય છે.

સ્વર : રેખા ત્રિવેદી

navratri

( picture by Meghna Sejpal )

.

બજે તાલ મંજીરા ઢોલ રે ભવાની માં
જોગણીયું સૌ ડોલે મનમાની માં
ગબ્બરને હીંડોળે
રમવા આવો ને માં, અમારે મ્હોલે

તોરણ બાંધ્યા શેરીને પોળે રૂપાળી માં
મસ્તક તારે ખોળે બિરદાળી માં
જનમ જનમને કોલે
રમવા આવો ને માં, અમારે મ્હોલે

માં..
પહેરી પગમાં પાવડી
તમે આવો ને રમવા માવડી
છે અંતર આશ આવડી
તમે તારો અમારી નાવડી

તુજ ભક્તિ ભરી રસ છોળે હેતાળી માં
તનમનિયા તરબોળે મતવાલી માં
હૈયું ઝંખી ઝોળે
રમવા આવો ને માં, અમારે મ્હોલે

માં
ચોસઠ ચોસઠ જોગણી
એની આંખ્યું ઝુરે છે વિજોગની
રત રઢિયાળી રમે બિરદાળી
આજ તાળી બજે છે ત્રિલોકની

નૈના તરસ્યા તુજ ને ખોળે કૃપાળી માં
સ્વપ્ન મહીં ઢંઢોળે મહાકાળી માં
આતમ અંબા ખોલે
રમવા આવો ને માં, અમારે મ્હોલે

10 replies on “બજે તાલ મંજીરા ઢોલ રે ભવાની માં – અવિનાશ વ્યાસ”

  1. શિવાની says:

    નવરાત્રિ ની યાદો તાજી થઈ ગઈ…મજા આવી ગઈ…

  2. pragnaju says:

    અવિનાશ વ્યાસના શબ્દો
    અને
    આરતી મુન્શીનો કંઠ
    એકલા એકલા
    પણ
    ગરબે ઘુમી!

  3. heta says:

    hi jayshree, really a nice ‘garbo’..enjoyed a lot but doesnt5 sound like aarti munshi…could u pls confirm it again for me!!!!!..cheers…

  4. Jayshree says:

    Hi Heta,
    I have corrected the mistake.
    Thanks..

  5. champa panchasara says:

    really nice garbo want to listen over and over again

  6. rajvish says:

    mast “garbo”
    amara amdavad ni pol ma garba ni mazzza alag hoy 6e..!!!

  7. રેખાબેન્ નો સ્વર ખુબ સરસ MUSI પણ ઍટ્લ જ સરસ્.

  8. Radhe says:

    રેખાબેન ના સ્વરે મા ગબ્બરવારેીના ગુનલા બહુ સુન્દર ગવાયા બહુ જ સુન્દર

  9. INDRAVADAN G VYAS says:

    ખુબ મઝાનો ગરબો !

  10. manilalmaroo says:

    kya batt hai rekhaben.

Leave a Reply

Your email address will not be published. Required fields are marked *