પ્રેમ છે – વિવેક મનહર ટેલર

શ્વાસમાં વિશ્વાસ જ્યાં ભેળો મળે એ પ્રેમ છે,
આશનો અવકાશ જ્યાં પણ શૂન્ય છે એ પ્રેમ છે.

હક, અપેક્ષા, શક, અહમ્ ના પંક ની વચ્ચેથી કોઈ,
પદ્મ સમ નિર્મળ અગર ખીલી શકે એ પ્રેમ છે.

બેકરારી વસ્લ માં, પીડા વિરહ માં કત્લની,
એટલું સમજી શકો કે કેમ છે એ પ્રેમ છે.

‘તું નથી’ ની વાસ્તવિક્તા કષ્ટ દેતી બંધ થઈ,
શ્વાસમાં, ઉચ્છવાસ માં બસ, તું વહે એ પ્રેમ છે.

બાદબાકી તુજ ની, તારાં સ્પર્શ, યાદો, સાથની,
શેષ મારામાં પછી જે પણ બચે એ પ્રેમ છે.

શબ્દ થઈ મુજ શ્વાસ માં બસ તું સદા વહેતી રહે,
આ ગઝલ શબ્દો નથી કંઈ, આ જે છે એ પ્રેમ છે.

રાત આખી બેકરારી થઈ મને ડંસતી રહે,
ને સવારે શબ્દ થઈ ચૂમે મને એ પ્રેમ છે.

Share on Facebook

12 replies on “પ્રેમ છે – વિવેક મનહર ટેલર”

मैं साहिल पे लिखी हुई इबारत नहीं,
जो लहरों से मिट जाती है,

मैं बारिश की बरसती बूंद नहीं,
जो बरस कर थम जाती है,

मैं ख्वाब नहीं,
जिसे देखा और भुला दिया,

मैं शमा नहीं,
जिसे फूंका और बूझा दिया,

मैं हवा का झोका नहीं,
जो आया और गुजर गया,

मैं चांद भी नहीं,
जो रात के बाद ढल जाये,

मैं तो वो अहसास हूं,
जो तुझ में लहू बनकर गरदीश करे,

मैं तो वो रंग हूं,
जो तेरे दिल पे चढ़े तो कभी ना मिटे,

मैं वो गीत हूं,
जो तेरे लबों से जुदा ना होगा,

मैं तो वो परवाना हूं,
जो जलता रहेगा मगर फना ना होगा,

ख्वाब, इबारत, हवा की तरह,
चांद, बूंद, शमा की तरह,

मेरे मिटने का सवाल नहीं,
क्यूंकि मैं तो मोहब्बत हूं,

રાત આખી બેકરારી થઈ મને ડંસતી રહે,
ને સવારે શબ્દ થઈ ચૂમે મને એ પ્રેમ છે.

બાદબાકી તુજ ની, તારાં સ્પર્શ, યાદો, સાથની,
શેષ મારામાં પછી જે પણ બચે એ પ્રેમ છે.

વિવેકભાઈએ કમાલ કરી…તારી હાજરી કે ગેરહાજરી, તારો અહેસાસ એજ તો પ્રેમ છે…

જયશ્રીબેન,
પ્રેમ છે – વિવેક મનહર ટેલર ખૂબ જ સુંદર. મનહરભાઈના ગીતમાં શબ્દે શબ્દે, પંકતિ પંકતિએ પ્રેમના તંતુને બારીકાઈથી માવજતથી વણી લીઘેલ છે. અતિસુંદર રચના છે. (કોમેંટનું બોક્ષ લખવા માટે ટેકનિકલ કારણસર નાનું આવે છે.)
ચન્દ્રકાન્ત લોઢવિયા.