હાઇકુ – ઊર્મિ | ટહુકો.કોમ

(સંધ્યા ચાલી…. Fort Bragg, CA, Nov 08)

* * * * *

(૧)
બંસીથી સૂર
થઈ ગ્યો દૂર, तेरे
जाने के बाद !

(૨)
ભર ઉનાળે
વરસ્યો મેઘ… કોઈ
કારણ હશે ?

(૩)
સઘળું વ્હાલ
મોકલ્યું તને, તોય
હું ભરીભરી…!

(૪)
લયમાં ઢળી
તારી યાદ- ને બની
ગઈ ગઝલ!

(૫)
પ્રેમ છે’ કહ્યા
વિના જ ચાહુ તને…
પૂરતું નથી?

(૬)
પ્રેમપંથ છો
હો વિકટ… હું બીજે
પંથ શેં જાઉં?!

(૭)
પત્રમાં સખા,
હું મને જ મોકલું…
તું વાંચીશ ને?!

(૮)
છો હોઠ તારા
બંધ સખી ! જો, નૈન
ચુગલી કરે…

(૯)
પાણીને વાગી
ઠોકર સુહાની, તો
બન્યું ઝરણું…!

(૧૦)
સાગર ખાલી,
સંધ્યા ચાલી… ને તો યે
ઉગ્યું સપનું !

Share on Facebook

16 replies on “હાઇકુ – ઊર્મિ”

સંધ્યા ચાલી,,,,,,,,,,,,,,,અને હુ પણ્……….

લયમાં ઢળી
તારી યાદ- ને બની
ગઈ ગઝલ!
સુન્દર અને સરળ ..અને
પ્રેમ છે’ કહ્યા
વિના જ ચાહુ તને…
પૂરતું નથી?
વાહ ક્યા બાત હૈ..

સરસ હાઈકુ..

પ્રેમ છે’ કહ્યા
વિના જ ચાહુ તને…
પૂરતું નથી?

પ્રેમનો અહેસાસ જ સઘળુ છે…

Haikoo……….. there is a Vachyarta and a Vyangartha. Please show me these two features for these Haikoos.

2. Exanmple:

Bahrelun Gadun,
Gayun Utari Dhal,
Rahi Gaya Chila.

Thanks

[…] જુદી જુદી websites પરથી હાયકુ માણ્યા, એમાયે ઉર્મીબેન ના લખેલા હાયકુ એ તો હુ અભિભૂત થઇ ગયો. […]

પ્રેમ છે’ કહ્યા
વિના જ ચાહુ તને…
પૂરતું નથી?

VERY NICE

ચાહનાનો એહ્સાસ જરૂરી છે,
બતાવ્યા વગર એહ્સાસ થાય એને જ પ્રેમ કહેવાય.

અરે બેના…. ક્યા બાત હૈ !!!!!!!
મારા આ બધા હાઈકુઓનું સંકલન કરવાનો વિચાર તો હજી મનેય ન્હોતો આવ્યો હોં ! આભાર માનવો પડશે કે?? ચાલ, એટલો ભાર રહેવા જ દે ત્યારે… 🙂

વ્હાલા વાંચકમિત્રોનો ઘણો આભાર…!