અલી તારું હૈયું કેસુડાં નું ફૂલ
હેજી…. વ્હાલપને વગડે શું ઝબક્યું ગોકૂળ
ઓલ્યું કેસૂડા નું ફૂલ
અલી તારું હૈયું કેસુડાં નું ફૂલ
ફાગણીયા ને ફેટે દીઠું કેસૂડા નું ફૂલ
હેજી… આંટે આંટે અટવાતું હૈયું થતું ડુલ
ઓલ્યું કેસૂડા નું ફૂલ
અલી તારું હૈયું કેસુડાં નું ફૂલ
પ્રીતિની પાંદડી ને કેસુડાનો રંગ
હેજી…ફોરમ એની ફરકંતી, નાહોલીયાની સંગ
હેજી… જોબનિયું જાગ્યું રે એનું વણમાગ્યું લો મુલ
ઓલ્યું કેસૂડા નું ફૂલ
અલી તારું હૈયું કેસુડાં નું ફૂલ
કવિ: ભાસ્કર વોરા
સ્વરકાર: ક્ષેમુ દિવેટિયા
સ્વર: વિભા દેસાઈ
