વિશ્વ સંગીત દિવસને અનુલક્ષીને
|| વાત તારી ને મારી છે ||
મ્યુઝિકલ આલબમનો ઓનલાઈન લોકાર્પણ કાર્યક્રમ

સુગમ સંગીતના વળતાં પાણી છે એવું કોઈ કહે તો ભારોભાર ને હાડોહાડ લાગી આવે. વિરોધમાં આક્રમક દલીલો કરવાનું મન થાય, પણ વાસ્તવિકતા જીભ સીવી લેવા મજબૂર કરે છે. હા, એક આશ્વાસન જરૂર છે કે અનેક કલાકારો કાવ્યસંગીતની પરંપરા ટકાવવાના સુંદર પ્રયાસો કરી રહ્યા છે. એમાં એક પગલું આપણું આંગણું બ્લોગ પણ માંડે છે.

કુલ ૯ ગીતોનો ગુચ્છ ભાવકો સમક્ષ લઈને ‘આપણું આંગણું’ આવી રહ્યા છીએ. તેની ઝલક લોકાર્પણ કાર્યક્રમમાં આપીશું અને ત્યાર બાદ એક પછી એક ગીતો તબક્કાવાર વિવિધ માધ્યમ (યુટ્યુબ, વ્હોટ્સએપ, ફેસબુક, વિવિધ મ્યુઝિક પ્લેટફોર્મ વગેરે) દ્વારા પ્રસ્તુત થશે. ગાંઠના ગોપીચંદન કરીને પણ ગીતચંદન – ગઝલચંદન કરવાની આ પ્રવૃત્તિ તો જ સફળ થાય જો આપનું સ્પંદન-ચંદન આ નવાનક્કોર સ્વરાંકનોને પ્રાપ્ત થાય.

અમેરિકાસ્થિત સંનિષ્ઠ અને માનવંતા કલાકારો આ પ્રકલ્પમાં સામેલ છે. અનુભવી અસીમ મહેતાનું બારીક સંગીત-સંકલન અને છોગામાં અતિપ્રિય મિત્ર આલાપ દેસાઈનું બહેતરીન સંગીત નિયોજન જેને સાંપડ્યું છે તે `વાત તારી ને મારી છે’ મ્યુઝિકલ આલબમના ઓનલાઈન લોકાર્પણ કાર્યક્રમમાં જોડાવા વિનંતી.

પ્રકલ્પ પરિકલ્પના: જયશ્રી વિનુ મરચંટ

આલબમમાં સમાવિષ્ટ:
|| કવિ-શાયર: || આસિમ રાંદેરી, આદિલ મન્સૂરી, પન્ના નાયક, અશરફ ડબાવાલા, મધુમતી મહેતા, જયશ્રી વિનુ મરચંટ, નંદિતા ઠાકોર

|| સ્વરકાર-ગાયક: || અસીમ મહેતા, દર્શના શુક્લ, વિજય ભટ્ટ, માધ્વી મહેતા, નંદિતા ઠાકોર, હેતલ જાગીરદાર બ્રહ્મભટ્ટ, નેહલ રાવલ

|| ઓનલાઈન લોકાર્પણ કાર્યક્રમની વિગત ||
તા. શનિવાર, તા. 18 જૂન 2022, રાત્રે 9.00 (ભારત)
USA – PST: 8.30 AM | EST: 11.30 AM

Live on YouTube Channel: Sahitya Sarita Mumbai
Prog YouTube Link:
https://bit.ly/blog-prog