ટહુકો ફાઉન્ડેશનના કાર્યક્રમ સુર શબ્દની પાંખેમાં દર્શના ભૂતા શુક્લના સ્વરમાં સાંભળો.
સંગીત નિર્દેશક : દિલીપ ધોળકિયા
પગલું પગલાંમાં અટવાણું
પગલું પગલાંમાં અટવાણું
કે મનખો રમતો ચલક ચલાણું
કાંસાને અફળાવી બેઠી
એક સોનાની મેખ
કોની લેખણ લેખ લખી ગઇ
કોણે લીધાં ભેખ
ગળ્યું છે ગોળ વિના ગરમાણું
તનના પગલાં તો ધરતી પર
પાડે એની છાપ
મનના પગલાંની માયાનું
મનડું જાણે પાપ
ભટકતાં ભવ મારગ ભરમાણું
સાત સાત સાચાં પગલાંને
ખોટું પગલું એક
સાત સાત આ જનમારામાં
અધવચ ખુટી ભેક
ઉકલશે ક્યાંથી હવે ઉખાણું
-વેણીભાઈ પુરોહિત
