હું તો છુઈ મૂઈનો છોડ – મેઘલતા મહેતા

સ્વર : ડો.દર્શના ઝાલા
સ્વરાંકન : નયન પંચોલી
આલબમ : તારા નામમાં

અરે હાં હાં મને કોઈ અડશો નહિ હું તો છુઈ મૂઈનો છોડ
મારી સાથે અડપલાં કરશો નહિ હું તો છુઈ મૂઈનો છોડ

મૂઆ વાયરા વેગળો રહેજે રે, મારે અંગેથી અળગો રહેજે રે
અલ્યા સુરજ સખણો રહેજે રે, સતપતિઓ કેવો સતાવે રે

પેલી વાદળી ભીંજવી જાતી રે , મને અમથી ખીજવી જાતી રે
મારે માં એ જતન શા કીધા રે , મને શરમના શમણાં દીધા રે

એક પરદેશી પાંદડું આવ્યું રે, મને છાયોને દઈ છવાયું રે
પહેલી પ્રીત્યુંના સ્પર્શે પાંગરી રે, મારી લજ્જા મને ના સાંભરી રે
– મેઘલતા મહેતા

ટહુકો.કોમ