Updated on June 28, 2023
This was composed on 20.08. 2004. Performed live In USA. This track was received recently from some friend. Regrets for minor break before second stanza.
Source – Bilipatra channel on YouTube.
Updated on August 18, 2012
મારું આ ઘણું જ ગમતીલું ગીત.. આ પહેલા ટહુકો પર ફક્ત શબ્દો સાથે – અને સ્વરાંકન પણ લઇ આવીશ એ promise સાથે મૂકેલું ગીત.. – આજે સ્વરાંકન સાથે ફરીથી માણીએ..!
અમુક ગીતો એવા હોય છે – જે ગમે એટલા વ્હાલા હોય, પણ એ વ્હાલને કાગળ પર ટપકાવવું અધરું થઇ પડે – આ ગીત માટે પણ કંઇક એવું જ વ્હાલ છે…
સ્વર – સ્વરાંકન : રાસબિહારી દેસાઇ
.
ધ્રુવ ગીત યુટ્યુબ ચેનલ ઉપર મુકાયેલું
———————————————-
Posted on December 12, 2008
મારું એક અતિપ્રિય ગીત.. એકવાર રાસબિહારી દેસાઇ-વિભા દેસાઇના કંઠે સાંભળ્યું તો એવું તો ગમી ગયું કે એના બધા શબ્દો મેળવવા છેક કવિશ્રી સુધી પહોંચવું પડ્યું… પણ છે જ એવું સરસ મજાનું – એકવાર સાંભળી/વાંચીને જ સીધું દિલમાં વસી જાય..!
આ ગીત દ્વારા કવિએ વાત પણ કેવી સરસ કરી છે.. પોતાનું એક ગીત લખવાની કોશિશ કરીએ, તો ખબર પડે કે ગીત કંઇ કલમ હાથમાં લેતાંની સાથે લખાઇ નથી જતાં.. અને તો યે કવિએ પોતે લખેલાં ગીત કેવી સરળતાથી આપણને આપી દીધાં? કવિના ગીતને આપણા કરવા માટે કરવાનું શું? બસ.. આકાશભરી પ્રીતે ગાઓ.. ! કવિના ગીતોને તો કંઠ કંઠ મ્હાલવુ છે, એટલે કવિએ ‘દેવકીની રીતે’ આપણને આપી દીધાં ગીત..!!
ધ્રુવ ભટ્ટનું ચાલ સખી પાંદડીમાં… મારું ખૂબ જ ગમતું ગીત, અને કવિનું આ ગીત વાંચીને એમના બધાજ ગીત હવે થોડા વધારે વ્હાલા લાગશે..!!
અને જેમ કવિ સુધી પહોંચીને શબ્દો લઈ આવી, એમ જ એક દિવસ સ્વરકાર સુધી પહોંચીને સંગીત સાથે પણ લઇ આવીશ આ ગીત.. ત્યાં સુધી ગીત પોતાના રાગમાં ગણગણવાની મઝા માણો..!!
(આકાશ ભરી પ્રીતે….. Fort Bragg, California – Nov 29, 2008)
* * * * *
તમે ગાયાં આકાશ ભરી પ્રીતે
તે ગીત મારાં કહેવાય કઇ રીતે?
ગીતને તો અવતરવું ઇચ્છાથી હોય છે
કે ચાલ જઇ કંઠ કંઠ મ્હાલીએ
આપણે તે એવડાં કે કેવડાં કે મારું છે
ચાલ કહી ગજવામાં ઘાલીએ
જે પ્રેમ કરી પામે તે જીતે
તે ગીત હવે મારા કહેવાય કઇ રીતે?
અમને અણદીઠ હોય સાંપડ્યું કે સાંપડી હો
પીડા એવી કે સહેવાય નહીં
એટલું જ હોય અને એટલાંક હોવાના
મથુરાને ગોકુળ કહેવાય નહીં
અમે આપ્યાં જે દેવકીની રીતે
તે ગીત હવે મારાં કહેવાય કઇ રીતે?
રાતના ૧૦ વાગ્યા થી અત્યારે ૧૨.૪૦ સુધીમાં ૧૦ વાર સાંભળી ચૂકયો છું
પણ ધરવ નથી થતો……
અપ્રતિમ શબ્દો અને અપ્રતિમ દર્દ ભર્યું છે અવાજ મા……
ખૂબ ખૂબ ધન્યવાદ
વાહ્!!! જ્યશ્રેી આભર્ !!!!! !!!!!!
He sings word “કહો ” … but in the lyrics it is not there… you may want to check lyrics one more time please!
શુંં અવાજ છે… કવિએ શ્રી રાસબિહારી દેસાઇને પત્ર લખેેેેલો કે ‘હવેે હું ખસી જઉંં છું’. એકદમ ઉચિત.
I very late came to know that Rasbhai is not with us, though he is immortal in this way.
I wish for bhajan Shri Ramchandrakrupalu bhajman. This will Homage by Tahuko.
ઝાકમઝૉળ….
બહુજ ગમ્યુ. અભિનન્દન…. ધ્રુવ ભટ્ટ ,રાસબિહારી દેસાઇ અને ટહુકો ને
ગીતો તો ગાય તેના થઈ ગયા. હવ માર નામે કેમ આપો છો?
we recently had a private baithak of Sh. Ras bhai and Vibha ben at mumbai, where he has sung this number beatifully. I have the live recording of this song, I can send you this song. The listeners will go mesmerised, for sure ! Jayesh Mehta
તમે ગાયાં આકાશ ભરી પ્રીતે
તે ગીત મારાં કહેવાય કઇ રીતે?
અમે આપ્યાં જે દેવકીની રીતે
તે ગીત હવે મારાં કહેવાય કઇ રીતે?
wow!!! excellent poem….
સાવ સાચી વાત છે… ખૂબ જ સરળ પરંતુ સચોટ અને સુંદર શબ્દોની પસંદગી… કવિને હાર્દિક અભિનંદન !
આભાર જયશ્રી… ગીત ગોતી લાવવા બદલ.
અમે આપ્યાં જે દેવકીની રીતે
તે ગીત હવે મારાં કહેવાય કઇ રીતે?
અતિ સુંદર….. બેનમૂન સરખામણી…… સરળ પણ ગમી જાય એવી રચના…
‘મુકેશ’
ખૂબ જ સરસ રચના. ધ્રુવ ભટ્ટ જરા હટકે કવિ-લેખક છે.
તેમનું ચાલ સખી પાંદડીમાં…જેટલું ગહન છે તેટલું જ આ સરળ છે.
જે પ્રેમ કરેી પામે તે જીતે !