હું હજી ય શોધું છું જિંદગીનું સરનામું – મનહરલાલ ચોકસી

હું હજી ય શોધું છું જિંદગીનું સરનામું,
કોઈ આપજો મુજને રોશનીનું સરનામું.

એટલે રહું છું ચૂપ સદાયે મહેફિલ માં,
કોણ પૂછવાનું છે આ દુ:ખીનું સરનામું.

જ્યાં ગયો ત્યાં અથડાઈ સ્વાર્થની જ સો ભીંતો,
ગુમ થઈ ગયેલું છે માનવીનું સરનામું.

આપને મળ્યો ત્યારે છેવટે મળ્યું મુજને,
હુંફની હથેળીમાં દોસ્તીનું સરનામું.

ઠેશ વાગશે જયારે દુ:ખ અવરનું જોઈને,
તે ક્ષણેજ મળવાનું બંદગીનું સરનામું.

Share on Facebook

6 replies on “હું હજી ય શોધું છું જિંદગીનું સરનામું – મનહરલાલ ચોકસી”

મજા નુ હિન્દિ ગિત ચ્હે…..”રાસ્તે કા પત્થર કિસ્મત ને મુજે બના દિયા, જો રાસ્તે સે ગુજરા એક થોકર લગા ગયા……….” બસ કઈક આવુ જ ચ્હે જિન્દગિ નુ. બધા થેબુ મારતા જાય ચ્હે.

સરસ શબ્દો ચ્હે મનહરભાઈ ચોક્સિ ના.

શૈલેશ જાનિ