પ્રાણ પણ નથી – વિવેક મનહર ટેલર

તુજમાં હું સરથી પગ સુધી રમમાણ પણ નથી,
ઊંડે ગયો છું કેટલે એ જાણ પણ નથી.

આવી ઊભો છું યુ્દ્ધમાં વિશ્વાસ લઈને ફક્ત,
બખ્તર નથી શરીરે, શિરસ્ત્રાણ પણ નથી.

મળતાંની સાથે માર્ગ તેં બદલ્યો, મને તો એમ –
સઘળું પતી ગયું, હવે ખેંચાણ પણ નથી.

જ્યાં મૂક્યું સર ખભે કે ગ્રહી વાત દિલની લે,
સગપણમાં ક્યાંય એટલું ઊંડાણ પણ નથી.

હો લાખ પ્યારું પણ યદિ છોડો ન હાથથી,
તો વીંધે લક્ષ્ય એવું કોઈ બાણ પણ નથી.

શ્વાસે વણીને શબ્દ રચી સાદડી છ ફૂટ,
તૂટ્યો જો તાર શબ્દનો તો પ્રાણ પણ નથી.

-વિવેક મનહર ટેલર

————–
રમમાણ એટલે લીન, મગ્ન, ઓતપ્રોત…

21 replies on “પ્રાણ પણ નથી – વિવેક મનહર ટેલર”

  1. sudhir patel says:

    વાહ! સરસ ગઝલ! બધાં જ શે’ર માણવા લાયક થયાં છે.
    સુધીર પટેલ.

  2. જ્યાં મૂક્યું સર ખભે કે ગ્રહી વાત દિલની લે,
    સગપણમાં ક્યાંય એટલું ઊંડાણ પણ નથી.

    વિવેકભાઈ,
    બધા જ શેરની ખૂબ સુંદર રજૂઆત
    વાંચીને ખૂબ જ આનંદ થયો

    અમિત ત્રિવેદી

  3. P Shah says:

    શ્વાસે વણીને શબ્દ રચી સાદડી છ ફૂટ,
    તૂટ્યો જો તાર શબ્દનો તો પ્રાણ પણ નથી.

    સરસ ગઝલ !
    બધા જ શેર દિલથી માણ્યા !

  4. Pinki says:

    સરસ ગઝલ….!!

    આવી ઊભો છું યુ્દ્ધમાં વિશ્વાસ લઈને ફક્ત,
    બખ્તર નથી શરીરે, શિરસ્ત્રાણ પણ નથી.

  5. શાહ પ્રવીણચંદ્ર કસ્તુરચંદ says:

    સરસ.

  6. neeta says:

    સઘળું પતી ગયું, હવે ખેંચાણ પણ નથી
    સગપણમાં ક્યાંય એટલું ઊંડાણ પણ નથી
    .તૂટ્યો જો તાર શબ્દનો તો પ્રાણ પણ નથી.
    સરસ વાત …….
    ખુબ જ સરસ
    reality of the life sir.

  7. sapana says:

    મળતાંની સાથે માર્ગ તેં બદલ્યો, મને તો એમ –
    સઘળું પતી ગયું, હવે ખેંચાણ પણ નથી.
    પ્રિય વિવેકભાઈ,
    લાગે છે આખું અઠવાડિયું સરસ જશે.
    તમારી લાગલગાટ ગઝલોને કવિતાઓ વાંચવા મળી.
    સપના

  8. kirit bhagat says:

    મજા પઙી.
    આભાર્.
    કિરીટ ભગત્.

  9. Very nice sher

    હો લાખ પ્યારું પણ યદિ છોડો ન હાથથી,
    તો વીંધે લક્ષ્ય એવું કોઈ બાણ પણ નથી.

  10. સરસ વીવેકભાઈ..
    આવી ઉભો છુ યુધ્ધમાં વિશ્વાસ લઈ,
    વિશ્વાસ હોય ત્યાં બચાવ ના સાધનોની જરુર હોતિ જ નથી.
    સગપણ માં એટ્લુ ઉન્ડાણ પણ નથી.
    સરસ વાત કહેવાણી છે.

  11. Vijay Bhatt( Los Angeles) says:

    Very well!… Kyaa Baat Hai!
    Vivek bhai, You are a Doctor and A MARIZ both!!! at the same time!!

  12. M.D.Gandhi, U.S.A. says:

    “શ્વાસે વણીને શબ્દ રચી સાદડી છ ફૂટ,
    તૂટ્યો જો તાર શબ્દનો તો પ્રાણ પણ નથી”

    તાર તુટે એટલે કે પ્રાણ છુટ્યા પછી અંતે તો માણસને છ ફુટની ‘સાદડી-ઠાઠડી’ જોઈએ અથવા કોફીન જોઈએ બસ. સરસ ગઝલ છે.

  13. Maheshchandra Naik says:

    સરસ ગઝલ અને બધા શેર ખુબ જ ભાવવાહી, સોંસરી વાત કહી દેતા, ડો. વિવેક્ભાઈને અભિનદન……..

  14. indravadan vyas says:

    એમ ડી ગાંધી ની ટીપ્પણી ગમી.
    સરસ રચના.
    વિવેકજીને શાબાશી…

  15. Govind Maru says:

    સરસ ગઝલ!

  16. manvant patel says:

    તૂટ્યો જો તાર શબ્દનો તો પ્રાણ પણ નથી ! વાહ બાપુ !

  17. સહુ મિત્રોનો ખૂબ ખૂબ આભાર…

  18. neeta says:

    આભાર નહિ ……
    want party sir.

  19. Neela says:

    તુજમાં હું સરથી પગ સુધી રમમાણ પણ નથી,
    ઊંડે ગયો છું કેટલે એ જાણ પણ નથી.

    good

  20. Vaishali says:

    Very nice, I really liked this ghazal

Leave a Reply

Your email address will not be published. Required fields are marked *