Category Archives: યોગેશ જોષી

યોગેશ જોષી

યોગેશ જોષી શ્રેણીમાંના બધા પોસ્ટ (કક્કાવાર). સંપૂર્ણ પોસ્ટ માટે ક્લીક કરો.

ઝરમર વરસે ઝીણી - યોગેશ જોષી



ઝરમર વરસે ઝીણી – યોગેશ જોષી

ઝરમર વરસે ઝીણી
થાય મને કે લઉં પાંપણથી વીણી

વર્ષાની ધારાઓ સાથે
આભ પીગળતું ચાલે;
ધણ વાદળનાં વીજ-ચાબખે
પવન હાંકતો ચાલે !

માટીમાંથી સુગંધ ફોરતી ભીની,
ઝરમર વરસે ઝીણી.

ઘેરાયા આ મેઘની વચ્ચે
રહી રહી ઢોલ ઢબૂકે,
હૈયામાં ગૌરંભા વચ્ચે
રહી રહી વીજ ઝબૂકે !

રોમે રોમે અગન ઊઠે છે તીણી
ઝરમર વરસે ઝીણી.