રચના: ચંદ્રકાન્ત શેઠ
સ્વર અને સ્વરાંકન: અમર ભટ્ટ

ખાલી કૂવે કોશ ચલાવી હવે અમે તો થાક્યા રે,
અરે અમારે તળિયે કોરાં ઝરણ ઝાંઝવાં જાગ્યાં રે .

ખેતર મોટાં ખેડ ઘણેરી બીજ ઊંચેરા વાવ્યાં  રે,
ગગન થકી નહિ અમરત ઉતર્યાં, ઊગતામાં મુરઝાયાં રે,
ખાલી હાથે અમે જ અમને અદકા ભારે લાગ્યા રે.
અરે અમારે તળિયે કોરાં ઝરણ ઝાંઝવાં જાગ્યાં રે .

મનના મારગ ખુંદતા ખુંદતા બોર રૂપાળા મળિયા રે
જ્યારે ચાખ્યા ત્યારે જાણ્યું નકરા એમાં ઠળિયા રે
ખાલીપામાં ખોવાયાં જલ ઊંડે અમને વાગ્યાં રે
અરે અમારે તળિયે કોરાં ઝરણ ઝાંઝવાં જાગ્યાં રે .

***