એક જ ટીપામાં હો જાણે સાત સમંદર – પ્રા. હિમલ પંડ્યા “પાર્થ”

સ્વરાંકન – પ્રણવ મહેતા, સ્વર – ડો. ભાવના મહેતા, સંગીત સંચાલન – નીરવ પંડ્યા તથા જ્વલંત ભટ્ટ, રેકોર્ડીંગ – સુનીલ પંડ્યા

Stinson Beach, CA .... August, 2011

એક જ ટીપામાં હો જાણે સાત સમંદર,
એવા ઝંઝાવાત હજુ હૈયાની અંદર;

હોય હરણને મૃગજળથી બે હાથનું છેટું,
તારી ને મારી વચ્ચે બસ, એટલું અંતર!

જેવી હું, એવો તું એ નક્કી હોવાનો,
ભેદ ભલે હો બ્હાર, બધું સરખું છે ભીતર;

જુઓ કિનારે હાથ કોઈ ફેલાવી ઊભું!
ચાલો અહિયાં અટકી જઈએ, નાખો લંગર.

– પ્રા. હિમલ પંડ્યા “પાર્થ”

(Click here for the video – slide show link)

25 replies on “એક જ ટીપામાં હો જાણે સાત સમંદર – પ્રા. હિમલ પંડ્યા “પાર્થ””

  1. Himal Pandya says:

    Thank you Tahuko and Jayshreeben!

    This composition is from my recently released Audio Album “..Evu Lakh Have”.

    I am pleased to mention that we got tremendous response to this album and were able to sell out 3000 CDs in just a month of its release. All proceedings of more than Rs. 3 Lacs from this sale will go to POLIO ERADICATION FUND of Rotary international.

    – Himal Pandya, Bhavnagar, Mob. +91 98790 49553

  2. Rudraprasad Bhatt says:

    આ બંદિશ આ ગઝલના શબ્દો અને સંગીત બધું જ ખુબ સરસ છે. શ્રી હિમલભાઈ આવી સરસ ગઝલો લખતા રહેજો.પ્રણવભાઈ આવી સરસ બંદિશોનું સર્જન તમારા દ્વારા થતું રહે.નીરવભાઈ જ્વલંતભાઈ સરસ સંગીત ગુજરાતી ગીતો માટે જરૂર આપતા રહેજો.ગુજરાતી ગીતોને વિશ્વ સ્તરે પહોચાડવા તમારા જેવા કવિઓ સંગીતકારો ખુબ સુંદર કાર્ય કરી રહ્યા છે ત આનંદની વાત છે

  3. dipti says:

    સુંદર ..

    એક જ ટીપામાં હો જાણે સાત સમંદર,
    એવા ઝંઝાવાત હજુ હૈયાની અંદર;

    હોય હરણને મૃગજળથી બે હાથનું છેટું,
    તારી ને મારી વચ્ચે બસ, એટલું અંતર!

    • Mehmood says:

      પાર કરવાનો છે તોફાની મહાસાગર હવે,
      ને બચ્યા છે શ્વાસમાં કેવળ અઢી અક્ષર હવે.
      જોજનો જેવું કશુંયે ક્યાં રહ્યું અંતર હવે…..

  4. Well expressed emotions. Very good sound recording quality.

  5. શ્રી હિમલભાઈની સુંદર ગઝલ…-ગમી.
    એમાંય,
    હોય હરણને મૃગજળથી બે હાથનું છેટું,
    તારી ને મારી વચ્ચે બસ, એટલું અંતર!- બહુજ સરસ શેર.
    અભિનંદન.

  6. asha says:

    awesome!!!

    …હોય હરણને મૃગજળથી બે હાથનું છેટું,
    તારી ને મારી વચ્ચે બસ, એટલું અંતર!…

    …જેવી હું, એવો તું એ નક્કી હોવાનો,
    ભેદ ભલે હો બ્હાર, બધું સરખું છે ભીતર;…

  7. Shah says:

    ખુબ સરસ..
    એક જ ટીપામાં હો જાણે સાત સમંદર,
    એવા ઝંઝાવાત હજુ હૈયાની અંદર….
    વાહ!!

  8. Manisha says:

    જેવી હુ એવો તુ નક્કી હોવાનો ,ભેદ ભલે બાહર્,
    બધુ સરખુ છે ભીતર…..સાચે જ સુન્દર્…

  9. સુંદર ગઝલ..

    મત્લાના શેરમાં સમંદર અને અંદર એમ કાફિયાનો આધાર ‘અંદર’ જણાય છે જે આગળ જતાં જળવાતો નથી…

  10. Niraj Solanki says:

    Really good..!! Lines are so nostalgic..!!

  11. પ્રાસબદ્ધ રચનાનુઁ સઁગેીત મનોરમ છે.
    કવિ,ગાયક અને ગેીત મૂકનારનો આભાર !

  12. subhash desai says:

    vivek tailor first says that it’s a beautiful ghazal n he finds kafiya not maintained.v can not give our frank opinion because v r sophisticated.ok?if this is d composition n arrangement n rendering of ghazal,god save the king.(here king is MUSIC)

  13. Rajesh Mahedu says:

    ગઝલ જેવી રચના ને ગીતની જેમ અને ગીત ના મુડમાં ગાવામાં આવી છે.
    ખેર.. સાંભળવી ગમી.

    હિમલભાઈની સેવાકિય પ્રવ્રૂતિ બાબત જાણી આનંદ થયો.

  14. Maheshchandra Naik says:

    એક જ ટીપામા હો જાણે સાત સમંદર ઘણુ કહી જાય છે…..
    કવિ ગાયક અને સંગીતકાર સૌને અભિનદન…..
    આપનો આભાર……….

  15. Apurva Mehta says:

    Right now, i am not able to control my emotions, feelings…What a wonderful, deep and heart touching Words as well as increadiable music, voice makes this Ghazal a soulful…

  16. manish says:

    ખુબ સુંદર રચના, બંગાળી સંગીતની સ્હેજ છાંટ છે ખાસ કરીને મ્યુઝીક પીસમાં જે બહુ જ સરસ લાગે છે બાકી સુંદર સ્વરાંકન અને ગાયન. સર્વે કલાકારોને અભિનંદન

  17. sneha says:

    સરસ ગઝલ,ગાયન અને સ્વરાંકન. ખાસ કરીને દરેક શેરની તેના ભાવ પ્રમાણે અલગ અલગ સ્વરબાંધણી અને એવું જ સંગીત સંચાલન.
    અને ખાસ કરીને ઉમદા હેતુ માટે થયેલું કાર્ય… આ આલ્બમની બીજી રચનાઓ સંભાળવી ગમશે.

  18. Mehmood says:

    એક જ ટીપામાં હો જાણે સાત સમંદર,
    એવા ઝંઝાવાત હજુ હૈયાની અંદર..

    તોફાન તો મન માન્યુ કરશે પણ એક વિમાસણ છે મોટી,
    નૌકાને ડૂબાડી સર્જે છે મઝધાર કિનારો શા માટે?-ગની દહીંવાળા

  19. swati says:

    મેં “એવું લખ હવે” આલ્બમની તમામ ગઝલો સાંભળી છે એ ઉપરથી એટલું ચોક્કસ કહીશ કે
    ગુજરાતી કાવ્યસંગીતજગતમાં કેટલાક પ્રતિભાશાળી કલાકારોનું આગમન થયું છે. અહીં પ્રસ્તુત રચના
    અતિ સુંદર…સૌથી મહત્વનું પાસું આ કામ પાછળનો સુંદર આશય…

  20. Hasit Hemani says:

    ઍકજ કવિતામાં છે મહાકાવ્યનુ આચમન

  21. Chandresh Rathod says:

    well done pranav……., lyrics are too good and music arrangement was too good aspecially a flute piece
    awesome……, all the best team……..

  22. Kalpesh solanki says:

    Khare khar manvi ane sambhalvi game aevi rachna che.

Leave a Reply

Your email address will not be published. Required fields are marked *