Category Archives: ફિલિપ ક્લાર્ક

ગઝલ – ફિલિપ ક્લાર્ક

હોઠ સુધી આવી અટકી જાય છે,
કોઈ દ્વારે આવી ભટકી જાય છે.

આપણા સંબંધના અંધારમાં –
દીપ શ્રદ્ધાના જ ઝબકી જાય છે.

વાત મળવાની સદા કરતાં રહે;
તક મળે ત્યારે જ સરકી જાય છે.

એમના ગુન્હા બધા હું જાણતો;
ફાંસ રૂપે એ જ ખટકી જાય છે.

વૃક્ષ આખું શ્વાસમાં ઝોલે ચઢે,
બેસવાની ડાળ બટકી જાય છે.

– ફિલિપ ક્લાર્ક

ટહુકી રહ્યું ગગન ! – ફિલિપ ક્લાર્ક

ટહુકી રહ્યું ગગન !
ઓ ક્ષિતિજ આ ઉપવન.
રહ્યું સાંભળી મારું મન.

ક્ષણ ક્ષણનું આ ચિરંતન હાસ,
ક્યાંથી પ્રગટ ભયો ઉલ્લાસ ?
છલક છલકી લઇ આવે પવન
ટહુકી રહ્યું ગગન !

નવ ભીતર હું, નવ હું બહાર,
પુલક પુલક શો પારાવાર !
અગમ સંગ આ કશું મિલન !
ટહુકી રહ્યું ગગન !