તારો એક ટહુકો દઇ દે મને
મારું જીવનસંગીત સંપૂર્ણ તારું.
અપેક્ષા તારા એક જ સ્મિતની ને
મુજ જીવનભરનું હાસ્ય તારું.
મારી તરસ માટે તારી એક જ પ્યાલી
ને મારા જીવનસાગરનું જળ તારું.
તારા ફૂલની જો એક પાંદડી મળે
મારું આ જીવનવન તારું.
તારી એક જ પળ હું માંગુ પ્રભુ
લે બદલામાં આખું જીવન મારું.
જુઠાણાંને સાચાં જે ઠરાવી જાણે –
તેને ચાલે જરૂર કોઇ બહાના વગર !
દુ:ખો દુનિયાનાં ઘણાં દૂર થઇ જાય –
ચાલે માનવને જો કંઇ વિચાર્યા વગર !
કોણે કયારે બનાવ્યું આ જીવન કેવું –
કોણ ક્યારે કરમાય કોઇના વગર !
સ્વાભાવે પરવાનાથી ચડિયાતો વળી –
જલી જાઉં ઘણીવાર કોઇ શમા વગર !
રહ્યો હું ખરે જ જમાનાથી પાછળ
મિથ્યાભિમાને કે ચાલશે જમાના વગર !
