~ શાયર: હેમંત કારિયા
~ સ્વરકાર: પરેશ નાયક
~ સ્વર: પ્રહર વોરા
જરા જુદી બની ગઈ છે કથા તારી, કથા મારી,
ગમી છે એટલે મુજને વ્યથા તારી, વ્યથા મારી.
વચન છે આપવા માટે વચનને આપતા રહીશું,
કદી વચનો નહીં પાળે મજા તારી, મજા મારી.
અલગ છે દર્દ તારા ને અલગ છે દર્દ મારા તો-
ગણું કેવી રીતે કહી દે દવા તારી, દવા મારી.
રૂડું સર્જન કરી નાખે જગત જોતું રહે જેને,
અગર ભેગી થઈ જાએ કલા તારી, કલા મારી.
તું મુખડું છે ગઝલનું ને ગઝલની અંતમાં હું છું,
ગઝલમાં છે જુદી જુદી જગા તારી, જગા મારી.
