સ્વરકાર અને સ્વર : ભાવના દેસાઈ
.
લો, અમે તો ચાલ્યાં પાછાં કલમને કરતાલે…!
રોમરોમ શરણાઈ વાગે, કલરવ ડાળે ડાળે,
મઘમઘ રંગ સુગંધ બનીને, મહેકે મનને માળે,
ટમટમ ટમકે અક્ષર જાણે નભને તારે-તારે,
લો, અમે તો ચાલ્યાં પાછાં શબ્દને સથવારે…..!
મબલક અઢળક ઘેરી- ઘેરી, વરસ્યાં નવલખ ધારે,
વાંકા કાંઠા તોડી દોડ્યા, ઉરસાગરને નાદે,
તટના ત્યાગી નામ પછી તો, ઉડાન પાંખે-પાંખે,
લો, અમે તો ચાલ્યાં પાછાં અક્ષરને અજવાળે….!
હળવે-હળવે જીવને શિવનો અર્થ પરમ અહીં જાગે,
જુઠ્ઠા જગનો કાજળ-કાળો અહં ભરમ સહુ ભાગે,
સચરાચરનો પાર પમાડે, શબ્દ-બ્રહ્મની પાળે….
લો, અમે તો ચાલ્યાં પાછાં કલમને કરતાલે….!
– દેવિકા ધ્રુવ
સર્વે પ્રતિભાવકોનો ખૂબ ખૂબ આભાર.
Devikaben khub saras Bhavanaben na sumadhur kanthe sambhalavani khub maja avi
કલમની કરતાલ શબ્દ બ્રહ્મ સુધી લઈ જાય ત્યારે નિપજે આવી કવિતા અને હ્રુદયસ્પર્શી સ્વરથી એ અંતર સુધી પહોંચી.
Sundar shabdo ane swar! Thank you for sharing here.
વાહ! સુંદર સ્વરાંકન.
“મિથ્યા જંગનો” કાજળ-કાળો અહં ભરમ સહુ ભાગે,
Would make more sense instead of
જુઠ્ઠા જગનો કાજળ-કાળો અહં ભરમ સહુ ભાગે,
I think
આત્મ-પ્રતીતિની કવિતા
સુંદર સુશ્રાવ્ય ,શબ્દ રચનાને પુનઃ સામ્ભળવાનું મળ્યું. આનંદ થયો. સુંદર રીતે ગાવા માટે ખૂબ ખૂબ અભિનંદન.