ચાંદ થોડો ચાંદ જેવો લાગશે ! – અદી મિર્ઝા

તું જો આજે મારી સાથે જાગશે
ચાંદ થોડો ચાંદ જેવો લાગશે !

કોણ તારી વાત સાંભળશે, હ્ર્દય !
એક પથ્થર કોને કોને વાગશે?

તું અમારો છે તો ધરતીના ખુદા!
તું અમારા જેવો ક્યારે લાગશે ?

જિંદગી, તું આટલી નિર્દય હશે?
તું મને શું એક પળમાં ત્યાગશે?

હું રડું છું એ જ કારણથી હવે,
હું હસું તો એને કેવું લાગશે!

એણે માગી છે દુવા તારી ‘અદી’
તું ખુદા પાસે હવે શું માગશે !!

9 replies on “ચાંદ થોડો ચાંદ જેવો લાગશે ! – અદી મિર્ઝા”

  1. I was lucky to listen Adi saaheb reciting this gazal himself in one of kavi sammelan …

    પહેલો જ શેર એટલો ધારદાર કે એના પર જ એટલી તાળીઓ પડી હતી !!

  2. તું અમારો છે તો ધરતીના ખુદા!
    તું અમારા જેવો ક્યારે લાગશે ?
    – સાચી વાત… ઉપરવાળાને સંભળાય છે કે?

  3. Himanshu Zaveri says:

    કદાચ આ ગઝલ, મનહર ઉધાસના કોઇ નવા આલ્બમમા સાભળી છે. any ways it’s nice gazal.

  4. himanshu says:

    An example of effortless fluidity!It would be wonderful to listen here,if it has been sung or even recited by the poet.-himanshu.p.s.try recitation for a change and there will be farmaish for a full mushaira!

  5. Ketan Shah says:

    હું રડું છું એ જ કારણથી હવે,
    હું હસું તો એને કેવું લાગશે!

    બહુ જ સરસ ગઝલ છે. શુક્રિયા.

  6. The Brijesh says:

    ખુબ સરસ

  7. sudhir says:

    this blog is really intersting

  8. Pinki says:

    એણે માગી છે દુવા તારી ‘અદી’
    તું ખુદા પાસે હવે શું માગશે !!

    આવી દુઆ માટે –

    ‘આમીન’

  9. બહ પાછલી ઉંમરે અદી સાહેબે ગઝલ લખવાની શરુઆત કરી..પણ બહુ ઝડપથી આગલી હરોળમાં આવી ગયા..હમણા જ નીદા ફાઝલી સાહેબને ચીનુ મોદીના ઉર્દુ કવ્ય સંગ્રહના વિમોચનમાં સાંભળ્યા ત્યારે એમણે એક ચોટદાર વાત કહી કે ગઝલ લખવાની શરુઆતની ઉંમાર 40ની હોવી જોઈએ..ત્યાં સુધીની જીંદગીની સફરે ગઝલના શેરમાં શેરિયત અને ઉંડાણ લાવવા જેટલી સમજણ આપી દીધી હોય છે..આ વાત અદી સાહેબ માટે કેટલી સાચી લાગે છે

Leave a Reply

Your email address will not be published. Required fields are marked *