જોઇ લે, આ હાથમાં ગાંડીવ છે, ગોફણ નથી ! – દેવદાસ ‘અમીર’

દેવદાસ અમીરની આ મારી ઘણી જ ગમતી ગઝલ.. મત્લા થી મક્તા સુધી એક પણ શેર એવો ના મળે જેના પર ‘વાહ વાહ’ કરવાની ઇચ્છા ન થાય… દરેક શેર વાંચતા જ દિલને સ્પર્શી જાય એવો.. જોઇ લે, આ હાથમાં ગાંડિવ છે, ગોફણ નથી..! કેવી ખુમારીવાળી વાત!

અને આવી સુંદર ગઝલ જ્યારે પુરુષોત્તમ ઉપાધ્યાય જેવા દિગ્ગજ સ્વર – સંગીત સાથે સામે આવે – તો કંઇ એક-બે વાર સાંભળવાથી ધરાવાય? વારંવાર સાંભળ્યે જ છુટકો.. બરાબર ને?

સ્વર – સંગીત : પુરુષોત્તમ ઉપાધ્યાય
વાદ્યવૃંદ સંચાલન : આશિત દેસાઇ
આલ્બમ : અનુભૂતિ
(રાજેશભાઇ દેસાઇનો ખાસ આભાર – આ આલ્બમ માટે)

.

કોણ કે’ છે લક્ષ્ય વીંધે કોઇ એવો જણ નથી ?
જોઇ લે, આ હાથમાં ગાંડીવ છે, ગોફણ નથી !

હું તને મારો ગણીને બંદગી કરતો રહું.
ને ખુદા, તું એમ વરતે છે, કે કંઇ સગપણ નથી ?

જાન આપો કે ન આપો, આંચકીને લઇ જશે,
આવશે હકદાર થઇને, મોત કંઇ માગણ નથી !

અલ્પ જીવનમાં બધીયે કેમ સંતોષી શકાય ?
બહુ તમન્નાઓ છે દિલમાં, એક બે કે ત્રણ નથી !

મધ્યદરિયે ડૂબવામાં એ જ તો સંતોષ છે,
આ તમાશો દેખવા માનવનો મહેરામણ નથી.

હાલ તું આવા અધૂરા માનવી સરજે છે કાં ?
વિશ્વકર્મા ! તારું પણ પહેલાં સમું ધોરણ નથી.

ફાવશે ક્યાં ક્યાં હરીફોની હરીફાઇ, ‘અમીર’ ?
મારી સમૃધ્ધિનાં કાંઇ એક-બે કારણ નથી !

22 replies on “જોઇ લે, આ હાથમાં ગાંડીવ છે, ગોફણ નથી ! – દેવદાસ ‘અમીર’”

  1. જાન આપો કે ન આપો, આંચકીને લઇ જશે,
    આવશે હકદાર થઇને, મોત કંઇ માગણ નથી !

    EXCELLENT

  2. અદ્…ભુત…!
    વાહ!..અમીર,પુરુષોત્તમ ઉપાધ્યાય અને આશિત દેસાઇ!
    “અનુભૂતિ” થયા વગર રહે નહિ કે આ ગઝલ
    “ઉત્તમ” અને “અમીર” થઈ ગઈ!

  3. favase kaya kaya harifo ni harifai AMIR
    mari samrudhhi na kai ek-be karan nathi.bahuj satya vat 6 em koi na fave baki koi ne samarudh thava de ?

  4. Mane Gamto Sher

    હાલ તું આવા અધૂરા માનવી સરજે છે કાં ?
    વિશ્વકર્મા ! તારું પણ પહેલાં સમું ધોરણ નથી.

    ફાવશે ક્યાં ક્યાં હરીફોની હરીફાઇ, ‘અમીર’ ?
    મારી સમૃધ્ધિનાં કાંઇ એક-બે કારણ નથી

  5. jayshree,
    had kari tame to,,adhbhut geeto lavya chho..aavu collection to kyaye nathi jou..hu canada rahu chhu.ane gujrati geeto ni khub moti chahak chuu. pan tahuko.com ma je geeto manya , ama to pachi desh ma aavi gai avu lagu.aadhbhut.mane khaber noti ke aatla badha gujrati geeto na chahko chhe..badha ni comments vachi ne aanad thayo.

  6. ફાવશે ક્યાં ક્યાં હરીફોની હરીફાઇ, ‘અમીર’ ?
    મારી સમૃધ્ધિનાં કાંઇ એક-બે કારણ નથી !……..
    simply superb…..
    awesome
    & this one tooooooo
    હાલ તું આવા અધૂરા માનવી સરજે છે કાં ?
    વિશ્વકર્મા ! તારું પણ પહેલાં સમું ધોરણ નથી.

  7. હું તને મારો ગણીને બંદગી કરતો રહું.
    ને ખુદા, તું એમ વરતે છે, કે કંઇ સગપણ નથી ?

    વાહ્…..!! સરસ શેર ……!!

  8. તમારી વાત સાચી ! ખુબ સુન્દર !! શબ્દો નથી જડતા ‘ અમીર !!!

  9. સરસ ગઝલ
    કોણ કે’ છે લક્ષ્ય વીંધે કોઇ એવો જણ નથી ?
    જોઇ લે, આ હાથમાં ગાંડીવ છે, ગોફણ નથી !
    વાહ્

  10. અતિ ઉત્તમ રચના . આ બે શેર બહુ ગમ્યા. કોણ કહે છે લક્ષ્ય વીંધે કોઇ એવો જણ નથી ?
    જોઇ લે, આ હાથમાં ગાંડીવ છે, ગોફણ નથી !

    હું તને મારો ગણીને બંદગી કરતો રહું.
    ને ખુદા, તું એમ વરતે છે, કે કંઇ સગપણ નથી ?

  11. જબ્બરદસ્ત!

    શરુઆત જ આટલી જાલીમ છે કે આગળ વાંચ્યા વગર છુટકો નથી!

    અફલાતુન રચના છે.

  12. મધ્યદરિયે ડૂબવામાં એ જ તો સંતોષ છે,
    આ તમાશો દેખવા માનવનો મહેરામણ નથી.

    હાલ તું આવા અધૂરા માનવી સરજે છે કાં ?
    વિશ્વકર્મા ! તારું પણ પહેલાં સમું ધોરણ નથી.

    આ બે શેર ઘણા ગમ્યા…

  13. સુંદર ગઝલ… બધા જ શેર સુંદર થયા છે… આમાં થોડી વધુ મજા આવી:

    હું તને મારો ગણીને બંદગી કરતો રહું.
    ને ખુદા, તું એમ વરતે છે, કે કંઇ સગપણ નથી ?

    મધ્યદરિયે ડૂબવામાં એ જ તો સંતોષ છે,
    આ તમાશો દેખવા માનવનો મહેરામણ નથી.

    હાલ તું આવા અધૂરા માનવી સરજે છે કાં ?
    વિશ્વકર્મા ! તારું પણ પહેલાં સમું ધોરણ નથી.

    ફાવશે ક્યાં ક્યાં હરીફોની હરીફાઇ, ‘અમીર’ ?
    મારી સમૃધ્ધિનાં કાંઇ એક-બે કારણ નથી !

  14. હું તને મારો ગણીને બંદગી કરતો રહું.
    ને ખુદા, તું એમ વરતે છે, કે કંઇ સગપણ નથી ?

    ઉત્તમ, અતિ ઉત્તમ.

Leave a Reply to suril Cancel reply

Your email address will not be published. Required fields are marked *