પાછું અમે માંગ્યું – ગોપાલ શાસ્ત્રી

નદીમાં પગ ઝબોળી બાળપણ પાછું અમે માંગ્યું
અમે રે રેતદાર રમનાર જણ પાછું અમે માંગ્યું

અનાગત શબ્દનો એકાદ કંપનની જ લીલા છે
ગઝલના રૂપમાં તારું સ્મરણ પાછું અમે માંગ્યું

દિશાઓ ધૂંધળી ચોપાસ ધુમ્મસનો હતો દરિયો
અદીઠાં ઝાંઝવા માંગ્યા, હરણ પાછું અમે માંગ્યું

પવનની જેમ ઊડી આવતી આ સાંજની પીડા
વિહગની જેમ ટહુકાનું વલણ પાછું અમે માંગ્યું

અહિ અસ્તિત્વનો પર્યાય કેવળ એક પરપોટો
કદી ઝાકળ સ્વરૂપે અવતરણ પાછું અમે માંગ્યું

– ગોપાલ શાસ્ત્રી

———-

ડૉ. ગોપાલ શાસ્ત્રીનું એક ગીત પહેલા મુક્યું હતું… અમને ખબર નઇ.!!. આ પહેલા પણ ગીત સાંભળ્યું હોય તો ફરી એકવાર સાંભળવાનો મોકો લઇ લો. મસ્ત મઝાનું ગીત છે.. 🙂

11 replies on “પાછું અમે માંગ્યું – ગોપાલ શાસ્ત્રી”

  1. @ ડો વિવેક – એટલે બાકીનું બધું સમજાય છે એમ કહેવા માગો છો ?

  2. મને ગર્વ છે કે આ સાહેબ અમારા ક્લાસટીચર હતા…

  3. કમેન્ટ્સ વાચવાનિ ય મજા પડે. એ સાથે નવિ દ્રશ્ટિ પણ મળે.

  4. પવનની જેમ ઊડી આવતી આ સાંજની પીડા
    વિહગની જેમ ટહુકાનું વલણ પાછું અમે માંગ્યું…સુન્દર ગઝલ..

  5. સુંદર રચના

    પવનની જેમ ઊડી આવતી આ સાંજની પીડા
    વિહગની જેમ ટહુકાનું વલણ પાછું અમે માંગ્યું

    બધા જ શેર વાંચવાની મજા પડી

    ગોપાલભાઈની રચનાઓ સરસ હોય છે – અમિત ત્રિવેદી

  6. સરસ રચના…

    પવનની જેમ ઊડી આવતી આ સાંજની પીડા
    વિહગની જેમ ટહુકાનું વલણ પાછું અમે માંગ્યું

  7. સુંદર રચના…

    અનાગત શબ્દનો એકાદ કંપનની જ લીલા છે
    – આ વાક્યમાં કશી ગડ ન પડી.. કોઈ સમજાવી શક્શે?

  8. અનાગત શબ્દનો એકાદ કંપનની જ લીલા છે
    ગઝલના રૂપમાં તારું સ્મરણ પાછું અમે માંગ્યું

    NiCe..

  9. વાહ….
    સુંદર વાત કરી શાસ્ત્રીજીએ,
    અસ્તિત્વનો પર્યાય એક પરપોટો અને ઝાકળ સ્વરૂપે અવતરણ પાછું માગવાની વાત સ્પર્શી ગઈ…
    આભાર જયશ્રીબેન.

Leave a Reply to saurinbhow Cancel reply

Your email address will not be published. Required fields are marked *