પાછું અમે માંગ્યું – ગોપાલ શાસ્ત્રી

નદીમાં પગ ઝબોળી બાળપણ પાછું અમે માંગ્યું
અમે રે રેતદાર રમનાર જણ પાછું અમે માંગ્યું

અનાગત શબ્દનો એકાદ કંપનની જ લીલા છે
ગઝલના રૂપમાં તારું સ્મરણ પાછું અમે માંગ્યું

દિશાઓ ધૂંધળી ચોપાસ ધુમ્મસનો હતો દરિયો
અદીઠાં ઝાંઝવા માંગ્યા, હરણ પાછું અમે માંગ્યું

પવનની જેમ ઊડી આવતી આ સાંજની પીડા
વિહગની જેમ ટહુકાનું વલણ પાછું અમે માંગ્યું

અહિ અસ્તિત્વનો પર્યાય કેવળ એક પરપોટો
કદી ઝાકળ સ્વરૂપે અવતરણ પાછું અમે માંગ્યું

– ગોપાલ શાસ્ત્રી

———-

ડૉ. ગોપાલ શાસ્ત્રીનું એક ગીત પહેલા મુક્યું હતું… અમને ખબર નઇ.!!. આ પહેલા પણ ગીત સાંભળ્યું હોય તો ફરી એકવાર સાંભળવાનો મોકો લઇ લો. મસ્ત મઝાનું ગીત છે.. 🙂

11 replies on “પાછું અમે માંગ્યું – ગોપાલ શાસ્ત્રી”

  1. વાહ….
    સુંદર વાત કરી શાસ્ત્રીજીએ,
    અસ્તિત્વનો પર્યાય એક પરપોટો અને ઝાકળ સ્વરૂપે અવતરણ પાછું માગવાની વાત સ્પર્શી ગઈ…
    આભાર જયશ્રીબેન.

  2. Just 4 you says:

    અનાગત શબ્દનો એકાદ કંપનની જ લીલા છે
    ગઝલના રૂપમાં તારું સ્મરણ પાછું અમે માંગ્યું

    NiCe..

  3. સુંદર રચના…

    અનાગત શબ્દનો એકાદ કંપનની જ લીલા છે
    – આ વાક્યમાં કશી ગડ ન પડી.. કોઈ સમજાવી શક્શે?

  4. સરસ કાવ્ય છે.

  5. dipti says:

    સરસ રચના…

    પવનની જેમ ઊડી આવતી આ સાંજની પીડા
    વિહગની જેમ ટહુકાનું વલણ પાછું અમે માંગ્યું

  6. સુંદર રચના

    પવનની જેમ ઊડી આવતી આ સાંજની પીડા
    વિહગની જેમ ટહુકાનું વલણ પાછું અમે માંગ્યું

    બધા જ શેર વાંચવાની મજા પડી

    ગોપાલભાઈની રચનાઓ સરસ હોય છે – અમિત ત્રિવેદી

  7. Mehmood says:

    પવનની જેમ ઊડી આવતી આ સાંજની પીડા
    વિહગની જેમ ટહુકાનું વલણ પાછું અમે માંગ્યું…સુન્દર ગઝલ..

  8. raksha says:

    કમેન્ટ્સ વાચવાનિ ય મજા પડે. એ સાથે નવિ દ્રશ્ટિ પણ મળે.

  9. saurinbhow says:

    nice poem

  10. Deepak Patel says:

    મને ગર્વ છે કે આ સાહેબ અમારા ક્લાસટીચર હતા…

  11. Vivek Kane 'Sahaj' says:

    @ ડો વિવેક – એટલે બાકીનું બધું સમજાય છે એમ કહેવા માગો છો ?

Leave a Reply

Your email address will not be published. Required fields are marked *