ગઝલ – અશરફ ડબાવાલા

ઘરમાં એવાં કો’ક દિવસ ચોઘડિયાં આવે,
ખૂટે આંખમાં પાણી ત્યારે ખડિયા આવે.

ડૂબી ડૂબીને ડૂબવાનું શું માણસમાં ભૈ;
એક વેંત ઊતરો ને ત્યાં તો તળિયાં આવે.

ડગલું એક ભરી શકવાના હોંશ નથી, પણ
ડગલું એક ભરું તો તારાં ફળિયાં આવે.

ઘંટીંના પથ્થરની જેવા વિચાર છે, ને –
મારી તારી વચ્ચે બબ્બે દરિયા આવે.

શબ્દોની હૂંડી લઇ ઊભો ભાષાના દરવાજે,
પાછો વળવા જાઉં અને શામળિયા આવે.

9 replies on “ગઝલ – અશરફ ડબાવાલા”

  1. ડૂબી ડૂબીને ડૂબવાનું શું માણસમાં ભૈ;
    એક વેંત ઊતરો ને ત્યાં તો તળિયાં આવે.

    ખુબ સરસ..

  2. KHUB J SUNDAR GAZAL PAN JO AARTIBEN NI GAYELI AA GAZAL POST KARVAMA AVE TO TENE CHAR CHAND LAGE………………SHYAMAL SAUMIL NU KHUBAJ SAMAJ VALU SWARANKAN………..

  3. સુંદર કૃતિ…

    મારી તારી વચ્ચે બબ્બે દરિયા આવે !

  4. ડગલુ એ ભરી શકવાના હોશ નથી પણ
    ડગલુ એક ભરુ તો તારા ફળિયા આવે

    ખુબ સરસ

  5. મારી તારી વચ્ચે બબ્બે દરિયા આવે !
    સુન્દેર ક્રુતિ

  6. એક વેંત ઊતરો ને ત્યાં તો તળિયાં આવે….
    સુંદર રજુઆત!

  7. ડૂબી ડૂબીને ડૂબવાનું શું માણસમાં ભૈ;
    એક વેંત ઊતરો ને ત્યાં તો તળિયાં આવે.

    ડગલું એક ભરી શકવાના હોંશ નથી, પણ
    ડગલું એક ભરું તો તારાં ફળિયાં આવે.

    આ શેર ખાસ ગમ્યા…

    સુંદર કૃતિ…

Leave a Reply

Your email address will not be published. Required fields are marked *