જરા તો નજીક આવ ! – અમર પાલનપુરી

છે પ્રેમનો સવાલ, જરા તો નજીક આવ !
ઊભી ન કર દીવાલ, જરા તો નજીક આવ !

મોટેથી કહી શકાય, નથી એવી વાત એ;
સુણવા હો દિલના હાલ, જરા તો નજીક આવ !

અંતર હંમેશા પ્રેમમાં અંતરાય થાય છે,
રાખીને એ ખયાલ, જરા તો નજીક આવ !

ટાઢક વળે છે દિલને મહોબતની આગથી;
જોવાને એ કમાલ, જરા તો નજીક આવ !

જાવું છે મારે દૂર ને ઝાઝો સમય નથી,
છોડીને સૌ ધમાલ, જરા તો નજીક આવ !

વાગી રહી છે મોતની શરણાઇઓ અમર,
જોવા જીવનનો તાલ, જરા તો નજીક આવ !

9 replies on “જરા તો નજીક આવ ! – અમર પાલનપુરી”

  1. harshad jangla says:

    જોવા જીવનનો તાલ……
    સરસ

  2. સુંદર ગઝલ…

    ટાઢક વળે છે દિલને મહોબતની આગથી;
    જોવાને એ કમાલ, જરા તો નજીક આવ !

    -વારંવાર કહેવાઈ ગયેલી વાતની સુંદર પુનરોક્તિ…

  3. radhika says:

    અંતર હંમેશા પ્રેમમાં અંતરાય થાય છે,
    રાખીને એ ખયાલ, જરા તો નજીક આવ !

    ભાઈ મને તો આ વાત ગમી,

  4. Harry says:

    Nice gazal !!

  5. Pravin Shah says:

    જ્યારે દૂર દેશે જવાનો સમય થઈ ગયો હોય અને પ્રિયજન પાસે ન હોય, ત્યારે દિલ જે વ્યથા અનુભવે તેનો સુંદર ચિતાર કવિએ અહીં આપ્યો છે.
    એક સુંદર ગઝલ!
    આભાર!

  6. 'ISHQ' PALANPURI says:

    ખુબ સારી રચના છે. હદય ને ગમી.

    બહારો ને કહિ દો, ના છેડૅ અમર ને
    દિવાનો છે,આખુ ચમન ઝોખમાશે.

  7. Ramnik Vandra says:

    Please place here the best song -Amar hamana j suto chhe… Very much appreciated

  8. darshi says:

    nice 6e priy patr ne achuk sambhlava jevi

  9. Ramnik Vandra says:

    Very nice. Amar hamna suto chhe is the best one

Leave a Reply

Your email address will not be published. Required fields are marked *