ઝરમર વરસે ઝીણી – યોગેશ જોષી

ઝરમર વરસે ઝીણી
થાય મને કે લઉં પાંપણથી વીણી

વર્ષાની ધારાઓ સાથે
આભ પીગળતું ચાલે;
ધણ વાદળનાં વીજ-ચાબખે
પવન હાંકતો ચાલે !

માટીમાંથી સુગંધ ફોરતી ભીની,
ઝરમર વરસે ઝીણી.

ઘેરાયા આ મેઘની વચ્ચે
રહી રહી ઢોલ ઢબૂકે,
હૈયામાં ગૌરંભા વચ્ચે
રહી રહી વીજ ઝબૂકે !

રોમે રોમે અગન ઊઠે છે તીણી
ઝરમર વરસે ઝીણી.

6 replies on “ઝરમર વરસે ઝીણી – યોગેશ જોષી”

  1. સરસ ગીત…જેવી ઝીણકી ઝરમર એવો જ નાનો ને લવચિક બાંધો…

  2. ઝરમર વરસે ઝીણી
    થાય મને કે લઉં પાંપણથી વીણી

    સુંદર ઉપાડ…મઘમઘતું વર્ષણ ગીત.

  3. beena says:

    ઝરમર વરસે ઝીણી ઋતુગીત બહુજ રોમાન્ચક અને જો હજુ અલગ અલગ ઋતુ ગીત હોય તો વધુ મજા આવે હજુ તો હુ થોડા સમય થી જ આ સાઇટ જો ઉ ચ્હુ

  4. dushyant says:

    ભેીના થ્ઈ જવાય તેવુ એક ગેીત;વરસાદ ભેીન્જવે. કવિશ્રેી રમેશ પારેખ
    અચુક પને માનવા જેવુ વરસાદિ ગેીત !!

  5. Tejal jani says:

    Matr vanchva nu nahi pan anubhavva jevu geet!

  6. Hasmukh Changadiya says:

    સરસ શબ્દચિત્રઃ
    વર્ષાની ધારાઓ સાથે
    આભ પીગળતું ચાલે;
    ધણ વાદળનાં વીજ-ચાબખે
    પવન હાંકતો ચાલે !
    માટીમાંથી સુગંધ ફોરતી ભીની…

    જાણે કે માટીની મઘમઘતી સુગંધ આસપાસ ફેલાઇ ગઈ … વાહ
    પણ..

    હૈયામાં ગૌરંભા વચ્ચે
    રહી રહી વીજ ઝબૂકે !

    રોમે રોમે અગન ઊઠે છે તીણી…

    … કોઇ વિજોગણની વેદના અંતરમાં ઊંડે એક ચચરાટી જગાડી ગઇ .

    બહુ જ સરસ અભિવ્યક્તિ…

Leave a Reply

Your email address will not be published. Required fields are marked *