આવ્યો માસ વસંત વધામણાં – નરસિંહ મહેતા

બે દિવસ પહેલા – ૮ મી ફેબ્રુઆરીએ વસંત પંચમી આવી ને ગઇ.. અને આ રાત-દિવસના આંકડાઓ (Audit) ના ચક્કરમાં હું અહીં વસંત સ્પેશિયલ કંઇક મુકવાનું ભૂલી જ ગઇ..

તો આજે માણીએ આ નરસિંહ મહેતાનું વસંતના વધામણાંનું પદ – અને સાથે ગયા વર્ષે શ્રી રામકબીર મંદિર – કારસન (અમેરિકા) માં આ પદ ગવાયેલું એનું લાઇવ રેકોર્ડિંગ..!

Recorded on January 25, 2010 at Shree Ramkabir Mandir, Carson, CA, USA

આવ્યો માસ વસંત વધામણાં, છબીલાજીને કરીએ છાંટણા;

વન કેસર ફૂલ્યો અતિ ઘણો, તહાં કોકિલા શબ્દ સોહામણાં;
રૂડી અરતના લઇએ ભામણા, આવ્યો માસ વસંત વધામણાં …. ૧

તું તો વહેલી થા ને આજ રે, તારાં સરસે સારાં કાજ રે;
તું તો મુક હૈયાની દાઝ રે, આવ્યો માસ વસંત વધામણાં ……… ૨

તું તો નવરંગ ચોળી પહેર રે, પછી આજ થાશે તારો લ્હેર રે;
રૂડા હરજી આવ્યા તારે ઘેર રે, આવ્યો માસ વસંત વધામણાં …. ૩

તું તો સજ શણગાર સાહેલડી, લેને અબિલ ગુલાલ ખોલા ભરી;
પછી ઓ આવે હસતાં હરિ, આવ્યો માસ વસંત વધામણાં …….. ૪

રૂડી અરતના અંગો અંગ છે, તહાં રમવાનો રૂડો રંગ છે;
તહાં છબીલાજીનો સંગ છે, આવ્યો માસ વસંત વધામણાં ……… ૫

તહાં આનંદ સરખો થાય છે, તહાં મોહન મોરલી વાયે છે;
તહાં નરસૈંયો ગુણ ગાય છે, આવ્યો માસ વસંત વધામણાં …….. ૬

5 replies on “આવ્યો માસ વસંત વધામણાં – નરસિંહ મહેતા”

  1. very crude singing in the posted video. I could not stand to see the entire length. There was no hint of Rag Vasant. Loud noices with no clarity of words or no sense of music. Why do we post such videos on such a beautiful site where everything else has high taste?

  2. વસંતના વધામણાં….
    ખાસ કેનેડા મા આતુરતા થી રાહ જોવાય છિયે….
    ઠંડી સફેદ ચાદરો મે જાગે દેર તક….બરફ્..બરફ્..બરફ્..

Leave a Reply to Kamlesh Cancel reply

Your email address will not be published. Required fields are marked *