વાત વિગતવાર કરી દે… – ગૌરાંગ ઠાકર

મારી આ દીવાલોથી મને પાર કરી દે,
બારીથી મને એક વખત દ્વાર કરી દે.

ઝાકળ ન ઊડે સૂર્ય! અહીં એમ ઊગી જા,
તું ફૂલ ઉપર એટલો ઉપકાર કરી દે.

તું પાસ રહે એ જ ગનીમત છે અહીં દોસ્ત,
હું ક્યાં કહું છું વાતનો સ્વીકાર કરી દે.

દીવાને અમે ટોડલેથી ભીતરે લાવ્યા,
તારાથી હવે થાય તો અંધાર કરી દે.

શ્રદ્ધા હવે શંકાની તરફ જાય છે ઈશ્વર,
તારા વિશે તું વાત વિગતવાર કરી દે.

એનામાં હવે વિશ્વ સમેટાઈ રહ્યું છે,
‘ગૌરાંગ’ ને પણ એક ગઝલકાર કરી દે.

– ગૌરાંગ ઠાકર

16 replies on “વાત વિગતવાર કરી દે… – ગૌરાંગ ઠાકર”

  1. ગૌરાન્ગ ભાઈ,
    ખુબ જ સરસ,
    શ્રધ્ધા હવે શંકની તરફ જાય છે ઇશ્વર,
    તારા વીશે તું વાત વીગતવાર કરી દે..
    અને તારાથી હવે થાય તો અન્ધાર કરી દે..
    મન ને સ્પરશી ગઈ..

  2. ઝાકળ ન ઊડે સૂર્ય! અહીં એમ ઊગી જા
    વાહ્!!! ગૌરાંગભાઈ,
    ખૂબ સરસ!!!

  3. ઝાકળ ન ઊડે સૂર્ય! અહીં એમ ઊગી જા,
    તું ફૂલ ઉપર એટલો ઉપકાર કરી દે.
    વાહ!ગૌરાંગભાઈ એક સાથે બેઉ ના અસ્તિત્વ નિ વાત કહી નાખી.અદભૂત્

  4. બહુ સરસ ગૌરાન્ગભાઈ,
    શ્રદ્ધા હવે શંકાની તરફ જાય છે ઈશ્વર,
    તારા વિશે તું વાત વિગતવાર કરી દે.
    અભિનદન.
    ગુણવન્ત જાની
    અમદાવાદ.

  5. સુંદર ગઝલ… બધા શેર સરસ થયા છે:

    દીવાને અમે ટોડલેથી ભીતરે લાવ્યા,
    તારાથી હવે થાય તો અંધાર કરી દે.
    – ચિરકાળ માટે અમર રહેવા સર્જાયેલો શેર…

    શ્રદ્ધા હવે શંકાની તરફ જાય છે ઈશ્વર,
    તારા વિશે તું વાત વિગતવાર કરી દે.
    – આ શેર પણ મજાનો છે…

  6. VERY NICE GAZAL…JAYSHREEBEN
    શ્રદ્ધા હવે શંકાની તરફ જાય છે ઈશ્વર,
    તારા વિશે તું વાત વિગતવાર કરી દે.

    Bahot kubh…..Gaurang sir…

  7. Shri Chandrakantbhai,
    As said in Sanskrit, “Tunde Tunde Matirh Bhinna”; the joy of analyzeing a Ghazal in our our terms is something different. We might reach to the point the Poet wants to emphasize but even if we do not, taking it in our own stride is really pleasing to mind.
    Don’t mind. Just a thought: “Tunde Tunde Matirh Bhinna” 🙂

  8. શ્રદ્ધા હવે શંકાની તરફ જાય છે ઈશ્વર,
    તારા વિશે તું વાત વિગતવાર કરી દે.

    વાહ….ગૌરાંગભાઈ..વાહ.

  9. જયશ્રીબેન,
    ગઝલ ગમી. પણ ગઝલકારના સ્વમુખે પઠન થાય તેના ભાવ અને સમજાવાય તો વધુ આનંદ આવે. ગઝલ હવે ફ્ક્ત વાંચન કરવી ઓછી ફાવે છે.
    ચન્દ્રકાન્ત લોઢવિયા.

Leave a Reply

Your email address will not be published. Required fields are marked *