તથ્ય હોવું જોઇએ – કવિ રાવલ

51818_wallpaper280

આ સમૂહમાં કૈંક તો વૈવિધ્ય હોવું જોઇએ
માત્ર કિસ્સા નહિ કથામાં તથ્ય હોવું જોઇએ.

અંત ને આરંભ તો હંમેશ હોવાના અહીં
ધ્યાન ખેંચે તેવું તેમાં મધ્ય હોવું જોઇએ.

નાટ્ય, સંવાદો, કથાનક – કેટલું કંઇ છે છતાં
એમ લાગે છે કે થોડુંક પદ્ય હોવું જોઇએ.

લીંબડાનાં પાન કડવાં – ડાળ કડવી કેમ છે ?
મૂળમાં એના હળાહળ સત્ય હોવું જોઇએ.

ચાંદ, તારા, સૂર્ય ને આકાશગંગાઓ બધી
વિશ્વ વર્તુળની પરે – કંઇ ભવ્ય હોવું જોઇએ.

( કવિ રાવલની બીજી ગઝલો વાંચો : લયસ્તરો પર )

8 replies on “તથ્ય હોવું જોઇએ – કવિ રાવલ”

  1. લીંબડાનાં પાન કડવાં – ડાળ કડવી કેમ છે ?
    મૂળમાં એના હળાહળ સત્ય હોવું જોઇએ.

    -સરસ વાત… અભિનંદન, કવિ !

  2. લીંબડાનાં પાન કડવાં – ડાળ કડવી કેમ છે ?
    મૂળમાં એના હળાહળ સત્ય હોવું જોઇએ.

    આખે આખી ગઝલ સુંદર છે…સંપૂર્ણ મૌલિક.

  3. Kaumudi Pandya says:

    નાટ્ય, સંવાદો, કથાનક – કેટલું કંઇ છે છતાં
    એમ લાગે છે કે થોડુંક પદ્ય હોવું જોઇએ.

    સાવ સાચી વાત!

  4. Pravin Shah says:

    …તથ્ય હોવું જોઇએ.
    …મધ્ય હોવું જોઇએ.
    …પદ્ય હોવું જોઇએ.
    …સત્ય હોવું જોઇએ.
    …ભવ્ય હોવું જોઇએ.
    એક સુંદર રચના!
    જીવનમાં સુખ અને દુઃખની મધ્યમાં,
    સંધ્યાકાળ જેવું કઈંક દિવ્ય હોવું જોઈએ.
    આભાર

  5. UrmiSaagar says:

    લીંબડાનાં પાન કડવાં – ડાળ કડવી કેમ છે ?
    મૂળમાં એના હળાહળ સત્ય હોવું જોઇએ.

    excellent!!

  6. Sandhya Bhatt says:

    કાફિયાની પસંદગી અત્યંત સુંદર, રહસ્યસ્ફોટ કરે તેવી,સાદ્યંત સુંદર ગઝલ

  7. UMANG OZA says:

    Good work Kavi! Hoping for some more

Leave a Reply

Your email address will not be published. Required fields are marked *