એવા સમે ખુદા તને પડકારવો હતો – અશોકપુરી ગોસ્વામી

દરિયો હતો, હોડી હતી, ને ખારવો હતો
એવા સમે ખુદા તને પડકારવો હતો.

એવા પ્રયાસમાં હું સતત જીતતો ગયો
જીતેલ દાવને ફરીથી હારવો હતો.

રણમાંય મજા થાત, ખામી આપણી હતી
રણને જ આપણે બગીચો ધારવો હતો

જીત્યાનો અર્થ હાર પણ ક્યારેક થાય છે,
એવી જ હારથી તને ઉગારવો હતો.

ઊંચકી શકું, એનાથી વધુ ભાર લૈ ફર્યો,
થોડોક ભાર, હે ગઝલ ! ઉતારવો હતો.

– અશોકપુરી ગોસ્વામી

15 replies on “એવા સમે ખુદા તને પડકારવો હતો – અશોકપુરી ગોસ્વામી”

  1. ખુદા તને પડકારવો હતો ……..ગઝલ ગમિ ,અશોકભઇને ધાગ્ધામામલ્યા હતા…

  2. સાવ સાદો દાખલો ખોટો થયો
    એક ડાઘો ભૂસતા મોટો થયો
    Thanks for all your comments. Though I am late but I became computer savvy only recently. You can communicate on ashokpuri47@gmail.com
    You are welcome

  3. ઈશ્વરને પડકારવાની પણ હિંમત જોઈએને???, કવિશ્રી જ બતાવી શકે, એમને અભિનદન, સરસ ગઝલ,

  4. ઊંચકી શકું, એનાથી વધુ ભાર લૈ ફર્યો,
    થોડોક ભાર, હે ગઝલ ! ઉતારવો હતો.

    આ ટહુકો,આ ગીત, ગઝલ, કાવ્યો, અને સગીત્ મને લાગે છે ત્યા સુધી આપણા બધા નો ભારજ ઉતારે છે.

  5. દરિયો હતો, હોડી હતી, ને ખારવો હતો
    એવા સમે ખુદા તને પડકારવો હતો.

    – કુદરતના મૂળ તત્વોની લડતને તાદ્રશ કરતો અવિસ્મરણીય શેર.

  6. દરિયો હતો, હોડી હતી, ને ખારવો હતો
    એવા સમે ખુદા તને પડકારવો હતો.
    મત્લાએ મારી નાંખ્યા
    મને ખબર છે ભારત જેવા પરમ આધ્યાત્મિક દેશમાં
    ઈશ્વરના અસ્તિત્વને પડકારવું અઘરૂં છે. …
    વાહ્

  7. ઉત્તમ ગઝલનો મત્લા અને ત્રીજો શે’ર ખૂબ જ કાબિલે-દાદ છે!
    સુધીર પટેલ.

Leave a Reply to Swar Sanket Cancel reply

Your email address will not be published. Required fields are marked *