સ્વ-રૂપ – પ્રફુલ દવે

મેકઅપ વિના જ મારી કને આવ, જિંદગી !
સાદું સીધું જ, મારી કને લાવ, જિંદગી !

ચહેરો બદલ ન તું, કે ન પડદો તું પાડી દે,
ઓળખ છુપાવી આમ, ના બનાવ, જિંદગી !

જાળું કરોળિયો કોઇ જાતે બનાવે એમ,
ગૂંથી ભરમની જાળ, ના ફસાવ, જિંદગી !

જળને ન ઝાંઝવું કહે, ન ઝાંઝવાને જળ,
દઇ વ્યર્થ કલ્પના તું ના સતાવ, જિંદગી !

અર્થહીન દોડતાં થાકી ગયો સતત,
માયાહરણ મને તું ના બતાવ, જિંદગી !

————-

( કવિ પરિચય )

10 replies on “સ્વ-રૂપ – પ્રફુલ દવે”

  1. ચહેરો બદલ ન તું, કે ન પડદો તું પાડી દે,
    ઓળખ છુપાવી આમ, ના બનાવ, જિંદગી !

  2. આ સાથે પાર્થ ના જૈ શ્રિ ક્ર્શ્ન. મારે પ્રફુલ્ ભાઈ નુ રાજ મને લાગ્યો કસુબિનો રગ ગાયન જોઈયે ચે!

    • આ પ્રફુલ્લ દવે જાણીતા લોકસંગીતના ગાયક નહીં પણ અમદાવાદમાં રહેતા, ભાવનગર ડીસ્ટ્રીક્ટ કોર્ટના ન્યાયાધીશ છે. એમને મળવું હોય તો ભાવનગરની ‘બુધ સભા’ માં અને અમદાવાદના શનિવારી ‘ સાહિત્ય ચોરામાં’ મોટાભાગે મળી જાય.કવિતા વાંચવા સાંભળવામાં રસ રાખે છે એટલું જ નહીં જાતે સુંદર રચનાઓ કરે છે પણ ખરા. મોટાભાગે થોડાક જ વખત પહેલાં તેમનો કાવ્ય સંગ્રહ પણ છપાયો છે.

  3. વિવેક્ભાઈ- અંતઃગઝલ મનનીય છે પણ ઘણી જ્ગ્યાએ પઠનમાં તકલીફ પડે છે. આમેય આ છંદ અઘરો છેઃ

    ગાગા લગાલ ગાલ લગાગા લગા લગા.

    બરછટ સમયનું નામ સમીક્ષા જ છે હવે,
    તૂટી કલમ તમામ પરીક્ષા જ છે હવે.

  4. પહેલી નજરે આ ગઝલનો છંદ “ગાગાલગા લગા લલ ગાગાલગા લગા” લાગે છે. પણ પછી લગભગ દરેક પંક્તિમાં આ છંદ તૂટે છે. આ છંદ પ્રમાણે આ ગઝલ માં બનાવ, ફસાવ, બતાવ, સતાવ જેવા -લગાલ વાળા- કાફિયા સંભવી જ ન શકે. “અર્થહીન” શબ્દમાં પણ છંદની રવાની તૂટતી હોય એમ લાગે છે. કવિ પ્રકાશ પાડી શક્શે?

  5. Sorry, I forgot to mention : કવિ પરિચય link will be available at 1.00 am CT ( USA ) .

Leave a Reply to s.vyas Cancel reply

Your email address will not be published. Required fields are marked *