રોકો વસંતને – જયંત પાઠક

આપણા ગુજરાતમાં તો વસંત ઋતુ ક્યારની આવી ને ગઇ… પણ આ વખતે અહીં અમેરિકામાં મોડી મોડી હજુ હમણા જ વસંત આવી છે. ( જો કે મારા કેલિફોર્નિયામાં તો એ પણ કંઇ એટલું જણાતુ નથી. ) વસંતની પધરામણીનું એક ખુબ જ સુંદર ગીત આવતી કાલે… પણ આજે વાંચીયે જયંત પાઠકની આ કવિતા. લાગે છે કે આવા જ કોઇ પ્રેમીની ફરિયાદ ઉપરવાળાએ સાંભળી લીધી હશે 🙂

પણ હા, એક વાત જરૂર કહીશ… નાની અમથી, પણ તરત જ ગમી જાય એવી સુંદર કવિતા.

487959_503747943907_2028149490_n

 

આવતી રોકો વસંતને
મારે આંગણિયે ફુલડાંના ફાલ
લાવતી રોકો વસંતને

એ તો આંગણને આંબલિયે ટહુકો કરે,
અહીં એકલડું ઉર મારું હીબકાં ભરે.
કોઇ હેતસૂના હૈયાની ડાળ
હલાવતી રોકો વસંતને.

શાને શીળો સમીર બની અંગે અડે !
મારા ઝૂરતા જીવન સાથ રંગે ચડે !
એની વેણુંમાં વેદનાનું વ્હાલ
વહાવતી રોકો વસંતને.

7 replies on “રોકો વસંતને – જયંત પાઠક”

  1. DWIJA M. BAXI says:

    એની વેણુંમાં વેદનાનું વ્હાલ
    વહાવતી રોકો વસંતને.
    bauj saaras panktio kandari chee…

  2. સુંદર ગીત… આવતી, લાવતી, વહાવતી નો પ્રાસ એટલી પ્રવાહિતાથી બેસી ગયો છે કે આખી કવિતા એક હવાની લહેરખીની જેમ કોષ-કોષમાં ફરી વળે છે…

  3. chandsuraj says:

    અહીં યુરોપમા તો વસંતે એના સામ્રાજયનો કારોભાર ઉનાળાને
    સોંપી નિવરુતી લઈ લીધી છે.
    ચાંદસૂરજ

  4. leela says:

    Touched my heart but it at once reminds me of the geet:

    ‘Koi kahejo vasant kera vaira ne
    dheere aavi vehni na phool gunthi jai,
    mara odhnia oudi oudi jai.’

  5. Harshad Jangla says:

    હેતસૂના હૅયાની ડાળ….
    સુંદર કાવ્ય

  6. Shah Pravin says:

    વિરહના દિન છે મને પસંદ,
    કોઇ તો આવતી રોકો વસંત.

  7. Shah Pravin says:

    વસંતમાં ય ડંખે છે દિલની વેરાની ,
    કદાચ એ કંટકોની અસર હશે.

Leave a Reply

Your email address will not be published. Required fields are marked *