એક ટહુકો પામવા – પૂર્ણિમા દેસાઇ

એક ટહુકો પામવા અહેસાનમાં,
લાગણી આપી રહી છું દાનમાં.

આભથી ધરતી લગી એ વિસ્તરી,
વાત કહેવાની હતી જે કાનમાં.

ફૂલદાનીનો હશે મોભો કબૂલ,
ફૂલની શોભાય છે વેરાનમાં.

કેટલા પયગંબરો આવી ગયા,
કાં ફરક પડતો નથી ઇન્સાનમાં ?

જ્યાં કિનારાની અભિલાષા કરી,
નાવ સપડાઇ ગઇ તોફાનમાં.

શબ્દ સાથે હાથ મેળવવો હતો,
આ ગઝલ તેના અનુસંધાનમાં.

10 replies on “એક ટહુકો પામવા – પૂર્ણિમા દેસાઇ”

  1. ભીંત ફાડી યાદ તારી
    ઊગતી આ હૃદયને કેટલું સમજાવું હું ? એક ટહુકો
    કાનમાં બેસી ગયો, યાદની વણજાર શેં, અટકાવું ….

  2. અદભુત….

    એક ટહુકો પામવા ટહુકામા ટહુકાવ છુ…

  3. i cant get play button in so many songs. can you plese help me or can you please suggest me that how can i listen this song. please

  4. તમારા નામ થી કવિતા રચાય છે,
    તમારા નામ થી ટહુકો ઓળખાય છે…

    Its Very Nice… Keep It Up…

  5. EK VAAT KAHEVANI HATI KAAN MA AME SAMJI GAYA SHAAN MA………..BHAHUJ UTTAM LAKHAYU CHHE……..keep it up

  6. મને તો આ પંક્તી જ બહુ ગમી ગઈઃ શબ્દ સાથે હાથ મેળવવો હતો– વાહ, વાહ

  7. ઉત્તમ…. ઉત્તમ… ઉત્તમ….

    પહેલાં વિચાર્યું કે ગમતા શેર અહીં ટાંકું… પણ આખી ગઝલનું પુનરાવર્તન કરવું પડે એવી સમસ્યા ઊભી થઈ… બધા જ શેર કાબિલ-એ-દાદ છે અને કાફિયાઓનું સંયોજન પણ એવું જ અદભૂત… વાહ…

    સૌથી વધુ ગમી ગયો આ શેર-

    શબ્દ સાથે હાથ મેળવવો હતો,
    આ ગઝલ તેના અનુસંધાનમાં.

  8. ઉત્તમ ગઝલ !

    એક ટહુકો પામવા અહેસાનમાં,
    લાગણી આપી રહી છું દાનમાં.

    શબ્દ સાથે હાથ મેળવવો હતો,
    આ ગઝલ તેના અનુસંધાનમાં.

    કેટલા પયગંબરો આવી ગયા,
    કાં ફરક પડતો નથી ઇન્સાનમાં ?

    – સરસ

  9. કાં ફરક પડતો નથી ઈન્સાનમાં….
    અનુત્તર રહેતો સવાલ

Leave a Reply to sujata Cancel reply

Your email address will not be published. Required fields are marked *