એક ટહુકો પામવા – પૂર્ણિમા દેસાઇ

એક ટહુકો પામવા અહેસાનમાં,
લાગણી આપી રહી છું દાનમાં.

આભથી ધરતી લગી એ વિસ્તરી,
વાત કહેવાની હતી જે કાનમાં.

ફૂલદાનીનો હશે મોભો કબૂલ,
ફૂલની શોભાય છે વેરાનમાં.

કેટલા પયગંબરો આવી ગયા,
કાં ફરક પડતો નથી ઇન્સાનમાં ?

જ્યાં કિનારાની અભિલાષા કરી,
નાવ સપડાઇ ગઇ તોફાનમાં.

શબ્દ સાથે હાથ મેળવવો હતો,
આ ગઝલ તેના અનુસંધાનમાં.

10 replies on “એક ટહુકો પામવા – પૂર્ણિમા દેસાઇ”

  1. harshad jangla says:

    કાં ફરક પડતો નથી ઈન્સાનમાં….
    અનુત્તર રહેતો સવાલ

  2. ધવલ says:

    ઉત્તમ ગઝલ !

    એક ટહુકો પામવા અહેસાનમાં,
    લાગણી આપી રહી છું દાનમાં.

    શબ્દ સાથે હાથ મેળવવો હતો,
    આ ગઝલ તેના અનુસંધાનમાં.

    કેટલા પયગંબરો આવી ગયા,
    કાં ફરક પડતો નથી ઇન્સાનમાં ?

    – સરસ

  3. ઉત્તમ…. ઉત્તમ… ઉત્તમ….

    પહેલાં વિચાર્યું કે ગમતા શેર અહીં ટાંકું… પણ આખી ગઝલનું પુનરાવર્તન કરવું પડે એવી સમસ્યા ઊભી થઈ… બધા જ શેર કાબિલ-એ-દાદ છે અને કાફિયાઓનું સંયોજન પણ એવું જ અદભૂત… વાહ…

    સૌથી વધુ ગમી ગયો આ શેર-

    શબ્દ સાથે હાથ મેળવવો હતો,
    આ ગઝલ તેના અનુસંધાનમાં.

  4. s.vyas says:

    મને તો આ પંક્તી જ બહુ ગમી ગઈઃ શબ્દ સાથે હાથ મેળવવો હતો– વાહ, વાહ

  5. sujata says:

    EK VAAT KAHEVANI HATI KAAN MA AME SAMJI GAYA SHAAN MA………..BHAHUJ UTTAM LAKHAYU CHHE……..keep it up

  6. શબ્દ સાથે હાથ મેળવવો હતો,
    આ ગઝલ તેના અનુસંધાનમાં.

    અદભૂત….

  7. Maulin Bhatt says:

    તમારા નામ થી કવિતા રચાય છે,
    તમારા નામ થી ટહુકો ઓળખાય છે…

    Its Very Nice… Keep It Up…

  8. jigna says:

    i cant get play button in so many songs. can you plese help me or can you please suggest me that how can i listen this song. please

  9. dipti says:

    અદભુત….

    એક ટહુકો પામવા ટહુકામા ટહુકાવ છુ…

  10. Mehmood says:

    ભીંત ફાડી યાદ તારી
    ઊગતી આ હૃદયને કેટલું સમજાવું હું ? એક ટહુકો
    કાનમાં બેસી ગયો, યાદની વણજાર શેં, અટકાવું ….

Leave a Reply

Your email address will not be published. Required fields are marked *