યાદ – રમેશ પારેખ

મારા જ ઘરમાં આવે મને મારા ઘરની યાદ
આવે ને આમ કોઇને કારણ વગરની યાદ

બાઝી ગયાં છે નકશાનાં જાળાંઓ આંખમાં
સચવાઇ રહી છે આમ તમારા નગરની યાદ

ચીલા મૂકી ગયાં તમે મારા વિચારમાં
તમને નથી હવે એ તમારી સફરની યાદ

ખરતી રહે છે આંગળી અક્ષર ક્ષણે ક્ષણે
આવે છે ટેરવાંને કઇ પાનખરની યાદ

શબ્દોમાં તરતી સાંજનું ખાલીપણું જુઓ:
આવે છે કોઇ દીવા વગરના ઝુમ્મરની યાદ ?

6 replies on “યાદ – રમેશ પારેખ”

  1. Ecellent ! Such expressions disable us to express anything. “Tahuko” is greately serving the Gujarati Kavita !

  2. ખરતી રહે છે આંગળી અક્ષર ક્ષણે ક્ષણે
    આવે છે ટેરવાંને કઇ પાનખરની યાદ

    શબ્દોમાં તરતી સાંજનું ખાલીપણું જુઓ:
    આવે છે કોઇ દીવા વગરના ઝુમ્મરની યાદ ?

    ખુબ જ સુઁદર…

Leave a Reply to bhavesh d maniar Cancel reply

Your email address will not be published. Required fields are marked *