પરોઢનાં ચિત્રો – ઉદયન ઠક્કર

આ ગઝલમાં જેમ સુંદર સવારનું વર્ણન છે, એમ નવા વર્ષની દરેક સવાર જીવનમાં વધુ સુંદરતા લાવે એવી દરેકને હાર્દિક શુભેચ્છાઓ… !!

બરફવાળા ગોળાની લિજ્જત હશે
સૂરજની ઉપર, રાતું શરબત હશે !

જુઓ, સૂર્યની લાલ આંખો જુઓ !
જરૂર રાત્રે કોઇ જિફાયત હશે…

સૂરજ બૂલડોઝર અને તારલા…
એ ઝૂંપડીમાં કચડાતી રૈયત હશે !

સવારે છે માણેક, બપોરે હીરો !
સૂરજની કિંમત વિશે, બે મત હશે.

સૂરજ લિ.ના ઇસ્યૂનું ભરણું ખૂલ્યું :
દરેક ડાળે કલબલને મસલત હશે.

નકર તારલા રાતપાળી ન લે …
ટકા વીસ બોનસની સવલત હશે.

Share on Facebook

9 replies on “પરોઢનાં ચિત્રો – ઉદયન ઠક્કર”

ખરેખર મજાના શબ્દો ….

નકર તારલા રાતપાળી ન લે …
ટકા વીસ બોનસની સવલત હશે.

ગુજરાતિ મિજાજ નિ જમાવટ…વિસ ટકા બોનસ નિ વાત પરથિ લાગે

સોનેરી પેપર-ચેનો ને વાદળાના ફુગ્ગાઓથી
સૂરજની બર્થડે ઝગ – મગ થશે ,
સાગરની કેકને કિરણોની ધાર જાણે
હળવે – હળવેથી કાપી લેશે.
રેતીમાં રમતાં બાળુડાં સઘળા
નાચ-કૂદીને હરખાઈ જશે.
આ ધરતીના જીવો સહુ ભેગા મળીને
હેપી બર્થડેનું ગીત લલકારી લેશે.
સુરજદાદા તો હરખઘેલા થઇ
ફૂલીને ફાળકો થઇ જશે.
ઉષા-નિશા, એમની રૂપાળી રાણીઓ
સંતા-કૂકડી નિત્ય રમ્યા કરશે.
– શિવાની મ. શાહ