ઊમટી આવ્યાં વાદળ – પન્ના નાયક

(Photo : http://www.omniplan.hu/)

ઊમટી આવ્યાં વાદળ,
ધોધમાર એ વરસ્યાં આંખનું રેલી નાંખ્યું કાજળ.

કોઇની કાળી નજર લાગી ને
અંગે અંગે વીજળી,
સળવળાટથી સણકે એવી
કે મારામાં ગઇ પીગળી,
મારામાંથી નીકળી ચાલ્યું કોઇ આંખની આગળ.

એવી આ તે કશી કુંડળી
ગ્રહો લડે આપસમાં,
ઝેર ઝેર લ્યો વ્યાપી ચૂક્યું
અમરતની નસનસમાં,
વિધાતાએ કરી મૂક્યો છે કાબરચીતરો કાગળ.

– પન્ના નાયક

5 replies on “ઊમટી આવ્યાં વાદળ – પન્ના નાયક”

  1. doc says:

    પન્નબેન્,
    જાને આત્મ્વિલોપન કરિને નિચોદ કાધ્યો……

    વિચાર કર્તો કરિ મુક્યો.

  2. સરસ વર્ષા ગીત.

  3. Maheshchandra Naik says:

    વર્ષાગીતનુ વરસાદમા સ્વાગત છે……

  4. pragnaju says:

    બહાર પણ
    આવું જ વાતાવરણમા
    વર્ષા ગીત અનુભવ્યુ !

  5. ટહુકો પર આજકાલ વરસાદ જોરમાં છે… સુરતમાંય ચોમાસું જામ્યું છે, હં…

    વાહ, મજાનું ગીત…

Leave a Reply

Your email address will not be published. Required fields are marked *